Tetraodontidae

Tetraodontidae
	Witspikkel-blaasop (Arothron hispidus)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata; (Cuvier, 1812)
Infrafilum:	Gnathostomata
Superklas:	Osteichthyes; (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Tetraodontidae
Genera
	Arothron; Auriglobus; Canthigaster; Carinotetraodon; Chelonodon; Colomesus; Contusus; Ephippion; Feroxodon; Fugu; Gastrophysus; Javichthys; Lagocephalus; Liosaccus; Marilyna; Monotretus; Omegaphora; Pelagocephalus; Polyspina; Reicheltia; Sphoeroides; Takifugu; Tetractenos; Tetraodon; Torquigener; Tylerius; Xenopterus
	Verspreiding van die Tetraodontidae

Die Blaasoppe, Tobies en Blaasvisse (Tetraodontidae) is 'n vis-familie wat hoort tot die orde Tetraodontiformes. Daar is ongeveer twintig genera met 125 spesies wat hoort tot dié familie en 32 van die spesies kom aan die Suid-Afrikaanse kus voor.

Kenmerke[wysig | wysig bron]

Die uitstaande kenmerk van die familie is hulle vermoë om hulle self op te blaas deur water of lug in te neem. Hulle doen dit as 'n afskrik middel en verdedigings meganisme. Wanneer die gevaar verby is, blaas hulle weer af. Hulle word ook Blaasvisse genoem vanweë die gewoonte om sand van 'n prooi te blaas wat wegkruip met 'n straal water.

Daar is twee tande in elke kaak wat die vis 'n papegaaimond voorkoms gee. Die gee aanleiding tot die vis se naam want Tetraodon beteken vier. Die grootte wissel van 6 – 15 cm en die familie kom voor op die bodem tot op dieptes van 400 m. Die familie is omnivore en eet letterlik enige iets: alge, sponse, seeanemone, skaaldiere, slakke en korale.

Die vel van die familie bevat 'n toksien genaamd tetrodotoksien. Die toksien is giftig en mense, katte en ander soogdiere sterf indien hulle die toksien inneem. Selfs vlieë wat dooie blaasoppe eet vrek. Tog word die vis geëet in Japan en staan bekend as Fugu. Visse soos barrakuda en tuna eet egter die familie en word nie geaffekteer deur die toksien nie. Daar is tans nog geen verklaring hiervoor nie.