Frankfurt d'o Main
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Frankfurt d'o Main Frankfurt am Main | |||
Ciudat independient d'Alemanya | |||
| |||
País • Estau • Rechión • Districto |
![]() Hesse Darmstadt Ciudat independient | ||
Superficie | 248,31 km² | ||
Población • Total • Densidat |
701000 hab. (2012) 2.824 hab/km² | ||
Altaria • Meyana |
112 m. | ||
Codigo postal | 60308–60599, 65929–65936 | ||
Ríos | Main | ||
Coordenadas | | ||
Web oficial |
Frankfurt d'o Main (en alemán , en hessián Frangford am Maa) ye a cinquena ciudat en grandaria de Alemanya (dimpués de Berlín, Hamburgo, Múnich y Colonia). Ye situada chunto a lo río Main.
Frankfurt estió una ciudat estau, a Ciudat Libre de Frankfurt, mientres cuasi cinco sieglos, y estió una d'as ciudaz mas importants d'o Sacro Imperio Romano Chermanico, como puesto de coronacions imperials; perdió a suya sobiranía dimpués d'o colapso de l'imperio en 1806, a recuperó en 1815 y dimpués a tornó a perder en 1866, cuan estió anexada per o Reino de Prusia. Ha estau parti de l'estau de Hessen dende 1945.
Frankfurt ye cultural, etnica y relichiosament diversa, con a metat d'a suya población y a mayoría d'a suya chovenalla d'orichen immigrant. Una cuatrena parti d'a población ye formada per ciudadans foranos.
Frankfurt ye o centro de muitas seus corporativas globals y europeas. Amás, l'aeropuerto de Frankfurt ye lo mas transitau d'Alemanya, un d'os mas transitaus d'Europa y d'o mundo, y lo centro prencipal de Lufthansa, l'aerolinia nacional d'Alemanya.
Frankfurt ye un d'os prencipals centros financiers d'o continent europeu, con a seu d'o Banco Central Europeu, o Deutsche Bundesbank, a Bursa de Valors de Frankfurt, o Deutsche Bank, DZ Bank, KfW y Commerzbank. A Messe Frankfurt ye una d'as ferias comercials mas grans d'o mundo. As prencipals ferias incluyen a Feria d'a Musica y a Feria d'o Libro de Frankfurt, a feria d'o libro mas gran d'o mundo.
Toponimia
[editar | modificar o codigo]O toponimo fa referencia a los antigos francos. En a "Cronica de los Conquiridors" s'escribe Franchfruc, Franchort u Franchfurc, amaneixendo en o capítol: Como el rey karles fizo celebrar vn concilio en frachfruc contra elifrando et sus (com)panyones:
Cheografía
[editar | modificar o codigo]Barrios
[editar | modificar o codigo]![](https://upload.wikimedia.org/wikipedia/commons/thumb/1/1e/Frankfurt_Subdivisions_boroughs.svg/220px-Frankfurt_Subdivisions_boroughs.svg.png)
La ciudat ye dividida en 46 barrios (Stadtteile), que a la suya vegada se dividen en 121 districtos (Stadtbezirke) y 448 districtos electorals (Wahlbezirke).
Lo barrio d'a ciudat mas gran per población y aria ye Sachsenhausen, mientres que lo mas chicot ye Altstadt, lo centro historico de Frankfurt.
Clima
[editar | modificar o codigo]Frankfurt tien una temperatura meya anyal ye de 10,6 °C, con temperaturas meyas mensuals que van dende os 1,6 °C en chinero dica os 20,0 °C en chulio (datos entre 1981 y 2010).
A resultas d'a suya ubicación en l'extremo norte d'a val de l'Alto Rin en o sudueste d'Alemanya, Frankfurt ye una d'as ciudaz alemanas mas calidas y ixutas de conchunta con con ciudaz como Darmstadt, Mannheim, Karlsruhe y Friburgo de Bresgobia. Os veranos en Frankfurt pueden estar muit calidos, en comparanza con a resta d'o país. Entre os anyos 1981 y 2010 ha habiu 52 días en Frankfurt con una temperatura maxima superior a 25 °C y 13 días con una maxima superior a 30 °C de meya a l'anyo.
En estar una isla de calor urbana, Frankfurt a vegadas se veye afectada per nueiz tropicals, an a temperatura no baixa d'os 20 °C entre mayo y setiembre. Isto ocurre perque a densidat d'a ciudat fa que ista almacene tot a calor.
A temporada de creiximiento ye mas larga en comparanza con a resta d'Alemanya, lo que resulta en una plegada temprana d'a primavera a la rechión.
Os hibiernos en Frankfurt son per un regular templaus con una chicota posibilidat de nieu, especialment en chinero y febrero. Frankfurt ye, en promeyo, cubierta de nieu nomás entre 10 y 20 días per anyo. Beluns días con minimas inferiors a -10 °C pueden ocurrir con mas frecuencia aquí que en as costas d'o norte d'Alemanya, pero no con tanta frecuencia como en Bavera u as partis orientals d'Alemanya.
Alcaldes
[editar | modificar o codigo]Lista d'alcaldes democraticos dende 1945:
Lechislatura | Nombre | Partiu politico |
---|---|---|
2012-hue | Peter Feldmann | SPD |
Puestos d'intrés
[editar | modificar o codigo]![](https://upload.wikimedia.org/wikipedia/commons/thumb/d/dc/Frankfurt_Am_Main-Roemerberg_19-27_von_Suedosten-20110307.jpg/220px-Frankfurt_Am_Main-Roemerberg_19-27_von_Suedosten-20110307.jpg)
- Römer.
- Seu (Kaiserdom St. Bartholomäus).
- Eschenheimer Turm.
- Hauptwache.
- Paulskirche.
- Commerzbank Tower.
- Messeturm.
Personalidaz naixitas de Frankfurt d'o Main
[editar | modificar o codigo]- Johann Wolfgang von Goethe, poeta.
- Ernst Klee (1942-2013), periodista y director.
- Siegfried Ochs (1858-1929) compositor.
- Anton Urspruch (1850-1907) pianista.
- Herman Geiger-Torel (1907-1976) director d'orquestra.
- Karl Eric Adolf Reiss (1829-1908) director d'orquestra.
- Philip Jakob Milchmeyer (1750-1813) pianista.
- Hans Fischer (1881-1945) quimico, Premio Nobel de Quimica de l'anyo 1930.
- Otto Loewi (1873-1961) medico, Premio Nobel de Fisiolochía u Medecina de 1936.
- Otto Hahn (1879-1968) quimico, Premio Nobel de Quimica de 1944.
- Gerd Binnig (1947), fisico, Premio Nobel de Fisica de 1986.
- Horst Ludwig Störmer (1949) fisico, Premio Nobel de Fisica de 1998.
- Robert Aumann (1930) economista, Premio Nobel d'Economia de l'anyo 2005.
- Karl Reinhardt (1895-1941), matematico.
- Wilhelm Süss (1895-1958), matematico.
- Theodor Adorno (1903 - 1969), filosofo.
Esporte
[editar | modificar o codigo]A sección de fútbol d'o club Eintracht Frankfurt chuga en a Bundesliga.
Vinclos externos
[editar | modificar o codigo]Se veigan as imáchens de Commons sobre Frankfurt d'o Main.