Lemoiz

Lemoiz
Alministración
País	España
Autonomía	País Vascu
Provincia	Vizcaya
Entidá territorial alministrativa española	Uribe (es)
Tipu d'entidá	conceyu d'España
Alcalde de Lemóniz	Unai Andraka Casimiro
Nome oficial	Lemoiz (eu)
Códigu postal	48620
Xeografía
Coordenaes	43°24′41″N 2°54′08″W / 43.4114°N 2.9023°O
	Lemoiz Lemoiz (España)
Superficie	18.9 km²
Altitú	89 m
Llenda con	Górliz (es) , Plencia (es) , Gatika, Jatabe y Bakio
Demografía
Población	1318 hab. (2023); - 654 homes (2019); - 584 muyeres (2019)
Porcentaxe	100% de Uribe (es)
Densidá	69,74 hab/km²
Más información
Estaya horaria	UTC+01:00
	lemoiz.eu

Lemoiz (n'español Lemóniz) ye un conceyu de la provincia de Bizkaia, País Vascu, perteneciendo na contorna d'Uribe. Llenda al norte col mar Cantábricu; al oeste con Gorliz y Plentzia, al sur con Gatika, al sureste con Jatabe y al nordeste con Bakio. Mientres la década de 1970 fíxose famosu pola so eleición pa la instalación d'una central nuclear que nun se llegó a rematar. Esta central nuclear causó un grave conflictu político-social, especialmente pola intervención del terrorismu d'ETA.

Topónimu

Lemoiz pertenez a la serie de topónimos vascos que tienen una terminación en -iz. Julio Caro Baroja defendía que la mayor parte d'estos topónimos proveníen d'un nome propiu xuníu al sufixu llatín -icus tornáu. Na zona vasconavarra Caro Baroja consideraba que los sufixos -oz, -ez y -iz aplicaos a la toponimia indicaben que na antigüedá'l llugar fora propiedá de la persona'l nome de la qu'apaecía xuníu al sufixu, pudiéndose remontar el so aniciu dende la Edá Media hasta la dómina del imperiu Romanu. Nel casu de Lemoiz, Caro Baroja propunxo qu'esti nome podría ser Lemonius, un nome llatín documentáu. Asina, si al nome Lemonius se-y añade'l sufixu llatín -icus qu'indica'l que ye perteneciente a esti, llógrase *Lemonicus. *Lemonicus podría ser tamién un fíu de Lemonius. El mesmu de *Lemonicus y de los sos descendentes sería *Lemonici (xenitivu de singular y nominativu de plural). D'esti *Lemonici podríase derivar el topónimu *Lemoniz. Esti mesmu nome esconderíase tamién nel topónimu d'otra llocalidá bizkaína, Lemoa. D'una evolución asemeyada d'esti sufixu llatín -icus daríense aniciu a los patronímicos utilizaos nos idiomes llatinos de la Península Ibérica. Lemoniz quedó afitáu como forma escrita del nome. Sicasí en vascu'l nome siguió evolucionando oralmente y dio llugar a Lemoiz al perdese la n intervocálica, un fenómenu común del vascu nos últimos sieglos. L'actual nome de la llocalidá en vascu ye frutu d'esta evolución. Nel 1991 el conceyu decidió oficializar la forma vasca del nome y dende entós ye oficial Lemoiz.

Población y sociedá

L'alcalde del conceyu ye Unai Andraka del PNV. A les eleiciones nel Parllamentu Vascu de 2005, la candidatura más votada foi la coalición nacionalista PNV-EA col 72,1% de los votos, siguíu de EHAK que llogró'l 15,5%.

Referencies

↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

Enllaces esternos

[4aa567f4760d292d0ff63887ec8a7625a1eb7407-1] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[1]