Dadjuga dem vwepaf oral
Dadjuga dem vwepaf oral Phalaropus lobatus | |||||||||||||||
![]() | |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Pula | Aves | ||||||||||||||
Veem | Charadriiformes | ||||||||||||||
Yasa | Scolopacidae | ||||||||||||||
oxi | |||||||||||||||
Phalaropus | |||||||||||||||
Brisson, 1760 | |||||||||||||||
katca | |||||||||||||||
Phalaropus lobatus | |||||||||||||||
Linnaeus, 1758
| |||||||||||||||
|
![](https://upload.wikimedia.org/wikipedia/commons/thumb/3/36/Phalaropus_lobatus_distribution.png/320px-Phalaropus_lobatus_distribution.png)
Dadjuga dem vwepaf oral ( Phalaropus lobatus ) tir katca ke Scolopacidae yasapa, tigisa koe naelafa arktikafa lenteka.
Pimtara
[betara | va krent betá]Tutrovgara va yordeem. Dadjuga dem vwepaf oral ( Phalaropus lobatus ) tir loftadunolam blis aname lentef nael, koe ruga ke Europa is Asia is Amerika. Bat sulem va katcalafa kira atoer : dene jontika zverifa katca, zveriye va loksevakiraf bruxeem sodir ise stokeson va ingaxa fuglar ; zveriya luxeon zavzar levgasa ise va spupiaf bruxeem sodir ise va lok ke cwara ravaldar. Voxen dene dadjuga dem vwepaf oral, to zveriya sotir gijafa loon dam zveriye ise va loon jebesa kseva kabdunedir ise gifuglar ; ison mali atoara, va koncoba mea viunsur ise isker da dadjugaye va atoeem di cwar aze va oceem nyapeter !
Dadjugeem va fentugal grocelon ice taltefa krimta ke Geefa Amerika ok vagerone India welfa male Aden pargalu is krimta ke Barata kale tela ke ronefa Afrika tiskir. Siuda ( cugon vuntoyi zveri ) koe toleafo bato fentugaluxo zo dizveyed.
Tan « zolonik » ke lamara. Dadjugaya tici teveaksat ik titi pereaksat taneon maltalad. Dadjugaye kadimion silukon askid, jovleson va oceem men grutalas. Dimtalara bak bareaksat kali alubeaksat dilizer. Dadjuga dem vwepaf oral kle tir ke loma dem zolonafi lamasi zveri, mielon rodefexules va yone decitoye decitmetre vamoo bira is tadava ; vas 350 decitmetre bad 24 bartiv ! Dadjugoc kal intafo koblixo luxeon grudimtalar.
Idulugalon, dadjuga dem vwepaf oral va toka is bezuk ke valpok ok ara sidayafa ok lavedafa beza voxis lonadunolam malestur. Fentugalon, levaykat da ina va spolkaf sulemam ezas moe lavek ape raweyar.
Afigasuteks
[betara | va krent betá]-
Dadjuga dem vwepaf oral, Amerika
-
Dadjuga dem fentugalaf bruxeem
-
Toloyo ato ke Dadjuga dem vwepaf oral
Xantaza
[betara | va krent betá]- Dadjuga dem vwepaf oral dene www.europalingua.eu
Notraca
[betara | va krent betá]Pulasa vuestexa is klita
[betara | va krent betá]
- (en) vuest- : Alan P. Peterson : Phalaropus lobatus is Charadriiformes
- (en) vuest- : Animal Diversity Web : Phalaropus lobatus
- (fr+en) vuest- : Avibase : Phalaropus lobatus
- (en) vuest- : Catalogue of Life : Phalaropus lobatus (Linnaeus, 1758)
- (en) vuest- : Walvedeyafa Zveriopafa Aba : Phalaropus lobatus is Charadriiformes
- (fr) vuest- : DORIS : espèce Phalaropus lobatus
- (fr) vuest- : Oiseaux.net : Phalaropus lobatus
- (fr) vuest- : INPN : Phalaropus lobatus (Linnaeus, 1758)
- (fr+en) vuest- : ITIS : Phalaropus lobatus (Linnaeus, 1758)
- (en) vuest- : Fauna Europaea : Phalaropus lobatus
- (en) vuest- : NCBI : Phalaropus lobatus
- (en) vuest- : Tree of Life Web Project : Phalaropus lobatus
- (en) vuest- : UICN : Phalaropus lobatus (Linnaeus, 1758)
- (en) vuest- : World Register of Marine Species : Phalaropus lobatus (Linnaeus, 1758)
Ara vuestexa
[betara | va krent betá]- Dadjuga dem vwepaf oral (Phalaropus lobatus) dene Wikispecies