Mahoni
Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
![](https://upload.wikimedia.org/wikipedia/commons/thumb/b/be/Swietenia_mahagoni_21zz.jpg/250px-Swietenia_mahagoni_21zz.jpg)
Mahoni inggih punika taru sané dahat maguna ring kahuripan.Taru punika matuwuh tibanan tur tegehnyané 5–25 m. Giing ring taru punika bunter, macarang, taler mawarna putih masawang barak. Sekar ring taru mahoni punika ngerumpyuk, mabentuk bulet taluh, muncuk taler bongkol donnyané lanying, masisi rata, lantang 3–15 cm, warnan donnyané ri kalaning muda barak sakewanten yéning sampun wayah mawarna gadang. Sekar ring taru mahoni punika ngarumpyuk, mawungkus, ring selagan don, unteng bungannyané bunter, gading muda, rupannyané kadi cekot, gadang, gelung sekarnyané bunter,kuning masawang gading, benang sarinyané neket ring gelung bunga. Woh ring mahoni punika merpat, bulet taluh, majuring lalima, gading. Batun mahoni punika pegpeg, selem utawi gading. Akah mahoni puniki maakah tunggil taler mawarna gading.
Mahoni utawi Swietenia mahagoni punika dahat maguna kaanggén tamba pinungkan tekanan darah tinggi, tamba pinungkan encok, miwah tamba pinungkan eksim taler pingkan masuk angin.[1][2]
- ↑ Departemen Kesehatan Républik Indonésia. Inventaris Tanaman Obat Indonésia Jilid I. Jakarta, 2000.
- ↑ "Klasifikasi dan ciri-ciri morfologi mahoni". materipertanian.com. Kaarsipin saking versi asli tanggal 2019-05-26. Kaaksés 2019-05-26.