North American Free Trade Agreement
![](https://upload.wikimedia.org/wikipedia/commons/thumb/0/01/NAFTA_logo.svg/220px-NAFTA_logo.svg.png)
North American Free Trade Agreement berraet e NAFTA, e brezhoneg Emglev frankeskemm Norzh Amerika berraet e EFENA[1], a vez graet eus ur feur-emglev ekonomikel etre Stadoù-Unanet Amerika, Mec'hiko ha Kanada o krouiñ ur bloc'had etre tiriadoù an teir bro evit kaout eskemmoù ekonomikel aesaet. Ar feur-emglev a voe enaouet d'ar 1añ a viz Genver 1994.
Kemer a reas plas ar Canada–United States Free Trade Agreement, ur feur-emglev ekonomikel etre SUA ha Kanada (7 a viz Here 1987). Ouzhpennadurioù a zo bet d'an NAFTA: an North American Agreement on Environmental Cooperation (NAAEC) hag an North American Agreement on Labor Cooperation (NAALC).
Emsavadeg Zapatistat evel respont d'an NAFTA e Chiapas
[kemmañ | kemmañ ar vammenn]An EZLN en devoa bet disklêriet brezel d'ar stad meksikan d'ar 1añ a viz Genver 1994, devezh enaouadenn an EFENA er Mec'hiko. Ar pal a oa difenn ar mennad 27 e bonreizh Mec'hiko o tifenn da werzhañ pe broadelaat douaroù ar gumuniezhoù indian dre ar vro hag a voe roet lamm dezhañ dre an NAFTA.
Kudennoù endro
[kemmañ | kemmañ ar vammenn]Hervez ar Sierra Club, an NAFTA en ur reiñ lusk da eskemmoù bras dreist-holl da geñver an ezhporzhiadurioù madoù al labour-douar savet a-ratozh evit-se a roio un implij uheloc'h a zanvezioù diazez (eoul-maen...) kement ha produioù kimiek hag an ODG. An NAFTA en deus degaset saotradur ouzhpenn, evel e Mec'hiko gant meingleuzioù saotrus.
Daveoù ha notennoù
[kemmañ | kemmañ ar vammenn]- ↑ spagnoleg: Tratado de Libre Comercio de América del Norte, TLCAN ha galleg: Accord de libre-échange nord-américain, ALÉNA