As-Safir
Enghraifft o'r canlynol | daily newspaper ![]() |
---|---|
Daeth i ben | 31 Rhagfyr 2016 ![]() |
Gwlad | Libanus ![]() |
Iaith | Arabeg ![]() |
Dechrau/Sefydlu | 26 Mawrth 1974 ![]() |
Pencadlys | Beirut ![]() |
Gwefan | http://www.assafir.com/ ![]() |
Papur newydd dyddiol Arabeg a gyhoeddir yn ninas Beirut, Libanus, yw As-Safir (Arabeg: السفير as-Safir "Y Llysgenad"; weithiau al-Safir mewn rhai ffynonellau). Fe'i cyhoeddwyd am y tro cyntaf ar y 26ain o Fawrth 1974 fel papur dyddiol gwleidyddol. Mae'n cael ei ystyried yn bapur newydd safonol ac fe'i dyfynnir yn aml gan asiantaethau newyddion a chyfryngau eraill.
Sefydlwyd y papur gan Talal Salman yn 1974 fel llais annibynnol i'r adain chwith pan-Arabaidd a oedd yn gynyddol weithgar ac amlwg ym mywyd gwleidyddol a deallus Libanus. Ei amcan oedd "bod yn bapur newydd y byd Arabaidd yn Libanus, a phapur newydd Libanus yn y byd Arabaidd". Erys hyn fel arwyddair ar flaen y papur.
Yn olygyddol, mae'n gogwyddo tuag at Syria a gwleidyddiaeth seciwlar gyda'r pwyslais ar undod y gwledydd Arabaidd yn wyneb imperialaeth.
Mae'r apapur yn aelod o'r Arab Press Network, rhwydwaith sy'n hyrwyddo gwasg gryf annibynnol yn y byd Arabaidd.
Dolen allanol
[golygu | golygu cod]- (Arabeg) Gwefan As-Safir