Mutiloagoiti

Mutiloagoiti
	Euskal Herria
Kokapena
Herrialdea	Nafarroa
Udalerria	Aranguren
Posta kodea	31192
Herritarra	mutiloar
Geografia
Koordenatuak	42°47′56″N 1°37′02″W / 42.798888888889°N 1.6172222222222°W
Garaiera	456 m
Demografia
Biztanleria	2.821 (2010)

Artikulu hau Arangurengo herriari buruzkoa da; beste esanahietarako, ikus «Mutiloa».

Mutiloagoiti Aranguren udalerriko kontzejua zen. 2010eko urtarrilaren 1eko erroldaren arabera, herriak 2.821 biztanle zituen. 2010eko ekainaren 4an udalaren erabaki baten ondorioz, Mutiloagoiti, Mutiloabeitirekin batu zen, Mutiloa kontzeju berria osatuz.

Inguru naturala eta kokapena

Mutiloagoiti Arangurengo udalerriaren iparraldean dago, Iruñerriko gune metropolitarraren hegoaldean, eta hiriko PA-30 ingurabide autobidearen mendebaldean. Kontzejuak Mendillorrirekin egiten du muga iparraldean, eta Mutiloabeitirekin hegoaldean.

Mutiloabeitin gertatu ez bezala, Mutiloagoitiko herri zaharraren arrasto gutxi mantendu dira, eta kontzejuko eraikin gehienak berriak dira. Orokorrean dentsitate txikiko eraikuntzak dira nagusi. Etxebizitzez gain, Mutiloagoitin industrialde txiki bat dago, autobidearen ondoan 2000ko hamarkadatik aurrera garaturikoa.

Mutiloabeiti eta Mutiloagoiti bitartean ehundaka etxebizitza berri eraikitzea aurrikusten da ("Mutiloabitarte" izeneko proiektuaren bidez), eta azkenik bi kontzejuak elkarturik geratu ziren.

Demografia eta biztanleria

Mutiloagoitiko biztanleria
2000	2001	2002	2003	2004	2005	2006	2007	2008	2009	2010
1.427	1.479	1.623	1.837	1.946	2.045	2.097	2.281	2.462	2.669	2.821

Ondarea

San Saturnino parrokia, Erdi Aroan eraiki zela uste den harrizko eraikina da. Dena den, elizaren gaur egungo egitura XVI. mende eta XVII. mendeen artean eginiko birmoldaketa sakonaren ondorio da.