Machine Head
Machine Head é unha banda estadounidense de heavy metal procedente de Oakland (California).[1][2] Formada o 12 de outubro de 1991, o grupo foi fundado polo guitarrista e vocalista Robb Flynn e o baixista Adam Duce. A día de hoxe está composta por Flynn, o batería Dave McClain, o guitarrista Phil Demmel e o baixista Jared MacEachern. Machine Head é unha das bandas pioneiras da new wave of American heavy metal.
| Machine Head | |
|---|---|
 | |
| Orixe | Oakland (California),  Estados Unidos |
| Período | 1991 - presente |
| Xénero(s) | heavy metal, thrash metal, groove metal, nu metal |
| Selo(s) discográfico(s) | Roadrunner, Nuclear Blast |
| Membros | Robb Flynn Dave McClain Phil Demmel Jared MacEachern |
| Antigos membros | Logan Mader Adam Duce Tony Costanza Chris Kontos Walter Ryan Ahrue Luster |
| Artistas relacionados | Vio-lence |
| Na rede | |
| machinehead1.com | |
                  | |
Machine Head naceu cando Flynn se sentiu musicalmente insatisfeito coas súas bandas Forbidden e Vio-lence e pediu comezar un proxecto paralelo. Cando lle negaron esta petición, deixou os grupos e formou Machine Head en 1991 con Duce, Logan Mader e Tony Constanza. O primeiro álbum da banda, Burn My Eyes, foi un grande éxito en Europa onde chamaron a atención do programa Headbangers Ball da MTV. Nos Estados Unidos (onde o programa foi retirado durante o movemento grunge) Machine Head non tería éxito ata álbums posteriores.
O grupo estivo a piques de separarse en 2002 despois de que fallasen as negociacións co seu selo, Roadrunner Records, no medio da controversia que rodeu ao seu cuarto álbum Supercharger (editado tres semanas despois dos atentados do 11 de setembro de 2001) fixo que o tema "Crashing Around You", que tiña un vídeo no que saían edificios ardendo, fose retirado de todos os medios de comunicación. A banda volveu a asinar con Roadrunner pouco despois e editou catro álbums dende entón, Through the Ashes of Empires en 2003, The Blackening (co que a banda conseguiu a súa primeira nomeación aos Grammy) en 2007, Unto the Locust en 2011 e Bloodstone & Diamonds en 2014.
Discografía
editar| Álbum | Ano | Selo |
|---|---|---|
| Burn My Eyes | 1994 | Roadrunner Records |
| The More Things Change... | 1997 | Roadrunner Records |
| The Burning Red | 1999 | Roadrunner Records |
| Supercharger | 2001 | Roadrunner Records |
| Through the Ashes of Empires | 2003 | Roadrunner Records |
| The Blackening | 2007 | Roadrunner Records |
| Unto the Locust | 2011 | Roadrunner Records |
| Bloodstone & Diamonds | 2014 | Nuclear Blast |
| Catharsis | 2018 | Nuclear Blast |
Notas
editar- ↑ Strong, Martin C (1998). Crown Publishing, ed. The Great Rock Discography. p. 16. ISBN 0-8129-3111-4.
- ↑ Larkin, Colin (1995). Guinness Publishing, ed. The Guinness Encyclopedia of Popular Music. p. 2655. ISBN 1-56159-237-4.