Proglote
![](https://upload.wikimedia.org/wikipedia/commons/thumb/b/ba/Gravid_proglottid_from_the_cestode_Taenia_saginata_5259_lores.jpg/300px-Gravid_proglottid_from_the_cestode_Taenia_saginata_5259_lores.jpg)
Proglote é o nome que recibe cada un dos segmentos en que se divide o "corpo" dos vermes planos (platihelmintos) da clase dos cestodos.[1]
O conxunto das proglotes forma o estróbilo ou "corpo" do verme.
As proglotes son producidas a partir do "pescozo" (estreitamento da parte posterior do escólex ou "cabeza" do verme) por un crecemento mitótico, seguido dunha constrición transversal. Os segmentos fanse máis grandes e maduros cando son desprazados cara a atrás por segmentos máis novos.[2]
Cada proglote contén un aparato reprodutor hermafrodita completo, e comparten un sistema nervioso común co resto. As proglotes máis proximas ao escólex son máis novas e inmaturas; as proglotes centrais son maduras e poden reproducirse, mentres que as proglotes terminais son grávidas e están cheas de centos ou milleiros de pequenos ovos; estas proglotes grávidas adoitan desprenderse do estróbilo e seren evacuadas coas feces do hospedeiro, e son a fonte da infestación.[3]
Notas
[editar | editar a fonte]- ↑ proglote no Dicionario da RAG.
- ↑ Ruppert, Edward E.; Fox, Richard, S. & Barnes, Robert D. (2004): Invertebrate Zoology, 7th edition. Cengage Learning. ISBN 978-81-315-0104-7, pp. 258–263.
- ↑ VV.AA. (1966): Vocabulario científico y técnico. 3ª ed. Madrid: Real Academia de Ciencias Exactas, Físicas y Naturales / Espasa Calpe, S. A. ISBN 84-239-9407-4, p. 821.