Thoas

Vide etiam paginam discretivam: Thoas (nomen).

Hypsipyle et eius pater Thoas in libro Iohannis Boccacii De claris mulieribus picti (saec.XV-XVI).

Thoas (Θόας) in mythologia Graeca est filius Bacchi et Ariadnae. Rex Lemniorum erat, cum a filia Hypsipyle (quam ex uxore Myrina genuerat) unus servatus est: nam ceterae mulieres omne genus virorum in insula necaverunt.

Quo postea fugerit, diverse nobis ab auctoribus traditum est: alii enim Chium insulam, alii Taurorum fines petiisse scripserunt, ubi confunditur cum rege Thoante, quo regnante, Iphigenia sacerdos advenas in honorem Artemidis immolaret, ac dum Oresten Pyladenque persequitur, interfectus est.

In Hypsipyle, fabula Euripidis, unus ex Hypsipyles filiis etiam Thoas ut avus vocatur: nepos ergo Thoantis maioris est.

Fontes

• Hyginus, Fabulae 15,120–121.
• Ovidius, Heroides 6 (epistola Hypsipyles ad Iasonem).
• Statius, libro quinto Thebaidis 28–721.
• Valerius Flaccus, libro secundo Argonauticon 82–305.

Nexus externi

• Hederich, Benjamin: "Thoas 1" - apud: Gründliches mythologisches Lexikon, Lipsiae 1770, col. 2366