Yunnan

De Yúnnán (chineesesch: 云うん南みなみ oder 雲南うんなん, "Südlech vun de Wolleken") ass eng Provënz am Südweste vun der Volleksrepublik China. Mat 394.100 Quadratkilometer ass se ongeféier sou grouss wéi Däitschland an Holland zesummen.

Geographie

De Yunnan huet eng grouss Varietéit vu Biotopen: vu schnéibedeckte Bierger bis zu Däller mat tropescher, respektiv subtropescher Vegetatioun ass alles vertrueden. Am Yunnan liewen déi lescht 250 Elefanten aus China a fräier Natur.

Duerch de Yunnan lafen ë. a.:

De Jangtsekiang (chin.: 长江 Cháng Jiāng), dee gréisste Floss vu China;
De Mekong (chin.: 澜沧江こう Láncāng Jiāng), deen duerch Laos, Kambodja a Vietnam leeft;
De Roude Floss (chin.: 元もと江こう Yuán Jiāng), deen duerch den Norde vu Vietnam leeft;
De Saluen (chin.: 怒いか江こう Nù Jiāng), dee bis a Myanmar (Birma) leeft a vun do an d'Andamanmier.

De Yunnan grenzt un déi Autonom Territoiren Tibet a Guangxi an un d'Provënzen Sichuan a Guizhou. Weiderhi grenzt et un d'Staat Vietnam, Laos a Myanmar (Birma).

Demographie

De Yunnan ass déi Provënz a China mat der héchster ethnescher Diversitéit. Eng 38 % vun der Bevëlkerung gehéieren zu ethnesche Minoritéiten, dorënner de Yi, de Bai, den Hani, den Dai, de Miao, de Lisu, den Hui, de Lahu, de Va, den Naxi, de Mosuo, de Yao, den Tibeter, de Jingpo, de Blang, de Primi, den Nu, den Achang, de Jino, de Mongolen, den Derung, de Mandschu, de Sui an de Bouyei.

Administrativ Struktur

De Yunnan besteet aus aacht bezierksfräie Stied an aacht Autonome Bezierker:

Stad Kunming (昆こん明あきら市し);
Stad Qujing (曲きょく靖やすし市し);
Stad Yuxi (玉たま溪けい市し);
Stad Baoshan (保ほ山やま市し);
Stad Zhaotong (昭あきら通とおり市し);
Stad Lijiang (丽江市し);
Stad Pu'er (普ひろし洱市);
Stad Lincang (临沧市し);
Autonome Bezierk Wenshan vun den Zhuang an de Miao (文ぶん山やま壮たけし族ぞく苗なえ族ぞく自治じち州しゅう);
Autonome Bezierk Honghe vun den Hani an de Yi (红河哈尼族ぞく彝つね族ぞく自治じち州しゅう);
Autonome Bezierk Xishuangbanna vun den Dai (西にし双そう版ばん纳傣族ぞく自治じち州しゅう);
Autonome Bezierk Chuxiong vun de Yi (楚すわえ雄ゆう彝つね族ぞく自治じち州しゅう);
Autonome Bezierk Dali vun de Bai (大だい理り白しろ族ぞく自治じち州しゅう);
Autonome Bezierk Dehong vun den Dai an de Jingpo (德とく宏ひろし傣族景けい颇族自治じち州しゅう);
Autonome Bezierk Nujiang vun de Lisu (怒いか江こう傈傈族ぞく自治じち州しゅう);
Autonome Bezierk Dêqên vun den Tibeter (迪すすむ庆藏族ぞく自治じち州しゅう).

Ekonomie

Den Téi ass eent vun de bekanntste Produkter aus der Provënz. Zënter dem Enn vum 19. Joerhonnert gëtt do och Kaffi ugebaut.

Tourismus

Touristesch Stied am Yunnan sinn Dali, d'Naxi-Stad Lijiang, Shangri-La, Shilin a Jinghong zu Xishuangbanna.

D'Alstad vu Lijiang (13. Jh.) ass zanter 1997 en UNESCO-Kultur-Weltierwen. Och de "Stenge Bësch" bei Shilin, 120 Kilometer südëstlech vu Kunming, steet op där Lëscht. Dat si Karstformatiounen am Kalleksteen, déi wéi Tierm bis zu 30 Meter héich an d'Luucht stinn.

Biller

Bierger an Dêqên (迪すすむ庆), op der Grenz mam Tibet
Landschaft a Yunnan
Landschaft a Yunnan
D'Yangtse-Dall a Yunnan
De Stenge Bësch bei Shilin
Terrasse bei der Tiger-Spronk-Schlucht, enger vun den déifste Schluchte vun der Welt
Typesch Räisterrassen

Um Spaweck

Commons: Yunnan – Biller, Videoen oder Audiodateien

Touristeguide iwwer Yunnan