Abraham Mignon
![](https://upload.wikimedia.org/wikipedia/commons/thumb/f/fd/Abraham_Mignon_002.jpg/220px-Abraham_Mignon_002.jpg)
Abraham Mignon (* 21. Juni 1640 in Frankfurt am Main; † 27. März 1679 in Utrecht) weer en düütsch-nedderlannsch Maler.
Leven
[ännern | Bornkood ännern]Sien Vader, en Koopmann, hett hüm bi den Stilllevenmaler Jacob Marrel ünnerbrocht, de hüm um 1660 to sück nah Holland halt hett. In Utrecht hett he in de Warkstäe vun Jan Davidszoon de Heem arbeit. 1675 hett he de Dochter vun de Maler Cornelis Willaerts († 1666) heiraadt, mit de he 1676 weer nah Frankfort truck. Dor hett he ünner annern Maria Sibylla Merian ünnerricht, deren Moder mit Jacob Marrel verheiraadt weer.
Wark
[ännern | Bornkood ännern]Mignon sien Wark hett vör allen de Motive Blömen, Früchte un Vagels to'n Inholt. Stilistisch sind sien Warken dör de Brillanz vun hör Farven un Opulenz vun hör Motive kenntekent. En faken bruukt Bildupbau wiest en witt oder root Roos in de Bildmidden vör en dunkeln Achtergrund.