Rick Kemp
Rick Kemp | |||
![]() | |||
Fødd | 15. november 1941 (82 år) | ||
---|---|---|---|
Fødestad | Little Hanford i Dorset | ||
Opphav | Storbritannia | ||
Aktiv | 1960-åra til i dag | ||
Sjanger | Rock, blues, elektrisk folk | ||
Instrument | Bassgitar | ||
Tilknytte artistar | Steeleye Span Whapweasel | ||
Verka som | Musikar, låtskrivar, plateprodusent |
Rick Kemp (fødd 15. november 1941) er ein engelsk bassist, låtskrivar, songar og plateprodusent, mest kjend for arbeidet sitt med det banebrytande elektriske folk-bandet Steeleye Span.
Kemp har vore medlem av Steeleye Span i kring 25 år og kom inn i bandet i 1972. Han forlet dei i 1986, men kom attende i 2000 og er framleis aktiv i bandet.
I 1971 spelte Kemp med King Crimson, kort tid før bandet spelte inn albumet Islands. Han avslo å bli med dei som fulltidsmedlem, og slutta visstnok i bandet etter berre to veker.[1]
Kemp har spelt bass på fleire Maddy Prior-innspelingar, og var medlem av the Maddy Prior Band i 1980-åra. Han har òg spelt på album med tidlegare Steeleye Span-medlem Tim Hart.
I 1979 var Kemp med på å starte plateselskapet Plant Life med Steeleye Span-trommis Nigel Pegrum. Selskapet vart lagt ned i 1984.
Han har gjeve ut fire soloalbum: Escape (1996), Spies (1998), Codes (2004) og Fanfare (2009).
Sidan 1997 har Kemp vore produsent for ceilidh-dansebandet Whapweasel.
Han var tidlegare gift med vokalisten i Steeleye Span, Maddy Prior, men dei er no skilde.[2] Han er òg far til musikaren Rose Kemp.
Kjelder
[endre | endre wikiteksten]- Denne artikkelen bygger på «Rick Kemp» frå Wikipedia på engelsk, den 12. juni 2012.
- Wikipedia på engelsk oppgav desse kjeldene:
- ↑ King Crimson biography
- ↑ Rose Kemp interview, arkivert frå originalen 15. september 2008, henta 12. juni 2012