Rouoge

Ch't' articl'ye fut c'menchie en Jèrriais

La Rouoge Crouaix est eune organnîsâtion întèrnâtionnale tchi doctrinne et tchi souongne les cheins tch'en ont bésouain

Rouoge ( rouoge; rouage, rouge, ruodj) est eune couleu.

Lé rouoge est la couleu du dangi et du Commeunisme. Eune rouoge veue sîngnifie arrêter.

Du rouoge

Y'a d'tchi qu'nou dit tch'est rouoge:

• un rouoge-gorge (Erithacus rubecula) est un ouaîsé
• du rouoge-pid (Geranium robertianum) est eune pliante
• un rouoge soudard est ofûche eune însecte ou p'tite bête: Pyrrhocoris apterus, Anystis baccarum (tch'a acouo nom rouoge pêtre dé muthâle), ou la vaque du Bouôn Dgieu (Coccinella septempunctata)
• un rouoge freunmion (Formica rufa) est eune însecte
• eune rouoge grive (Turdus musicus) est un ouaîsé
• d'la rouoge gradile est un frit
• énne rouage ortie est énne pllànte.

Sînmilitudes

• rouoge coumme deux roses
• rouoge coumme du feu
• rouoge coumme du sang
• rouoge coumme un co
• rouoge coumme un co d'gamme
• rouoge coumme un honmard

Ditons

• Un rouoge couochant, sîngne dé bieau temps
• Rouoge sé et blianc matîn, donne la jouaie du pélérîn
• Prannez garde ès rouoges car i' sont farouches

Couoleurs

blianc bllànc bllaunc gris nièr naer neî rouoge rouage rouoge vèrt vaert vert bliu bllu blleu orange oraunge

brun breun breun jaune jaone jâone rose couleur dé raose rôse lîlas violet pourpre pouorpre