Punta d'amnas
Ua punta d'amnas (var. punta d'armas o punta d'anmas) qu'ei un apèr de laütièr qui permet de gahar, de hicar e de mudar l'amna d'un instrument de còrdas hregadas (e de quauques guitarras e mandolinas inspiradas de la laüteria deu vriulon).
L'amna qu'ei un cilindret de husta plaçat verticaument dehens la caisha d'armonia de l'instrument e qui a ua doble mission de contraresistència a la pression deu pontet sus la vòuta de la taula de l'instrument e tanben de difusion deu son directament au hon. Com lo mendre desplaçament e pòt cambiar lo son, l'emplaçament que's deu poder cambiar a l'apreciacion deu laütièr, au gost deu musician e a l'evolucion e de l'instrument ; l'amna, donc, que's deu pausar e sustot pas pegar (çò qui vòu de segur díser que pòt càder a còps).
La punta d'amna qu'ei per aquò har provesida, aus sons dus caps, d'ua punta a plantar dens l'amna entà la bèth gahar per ua brèva estona (e l'introdúser dehens l'instrument per los sons horats tan estrets!), e d'un cap espés qui serveish de martèth entà màver chic a chic e a bèras trucadetas l'amna pausada e destacada de la punta. L'operacion que's hè sovent dab l'ajuda d'un miralh de dentista entà poder espiar au dehens de la caisha d'armonia).
- Caracteristicas generaus : arquet, pontet, barra d'armonia, amna, colofònia
- Ajòus : Rebec • Lira da braccio • viela
- Familha deu vriulon : vriulon • vriulon piccolo • vriulon alto • vriulon tenor • violoncèl • violoncèl piccolo
•Vriulon barròc •Pochette •Vriulon de Stroh •Norvègia : Hardingfele •Vriulon de Stroh
- Viola pomposa
- Arpeggione
- Familha de la viòla de gamba
- Contrabassa • octobassa
- Bariton
- Trompeta marina
- Sonsaina
