Βικιπαίδεια:Νにゅーτたうοおみくろん 'κかっぱ εいぷしろんνにゅー ηいーた Βικιπαίδεια

Πολιτική τたうηいーた Βικιπαίδειας

Βασικά

Νにゅーτたうοおみくろん εいぷしろんνにゅー ηいーた Βικιπαίδεια Νにゅーτたうοおみくろん 'κかっぱ εいぷしろんνにゅー ηいーた Βικιπαίδεια Δικαιώματα πνευματί Βοήθεια

Ηいーた Βικιπαίδεια εいぷしろんνにゅー δικτυακόν, ουδέτερον εγκυκλοπαίδειαν. Δικτυακόν κοινότηταν γράφ' κかっぱαあるふぁιいおた ωριάζ' ατέναν. Γがんまιいおたαあるふぁ τたう' ατό ας εξέρουμε κάποια πράματα πぱいοおみくろんυうぷしろん 'κかっぱ εいぷしろんνにゅー γがんまιいおたαあるふぁ τたうηいーたνにゅー Βικιπαίδειαν. Δέβασον κかっぱαあるふぁιいおた θしーたαあるふぁ μαθάν'ς.

Νにゅーτたうοおみくろん 'κかっぱ εいぷしろんνにゅー ηいーた Βικιπαίδεια

• Ηいーた Βικιπαίδεια 'κかっぱ εいぷしろんνにゅー λεξικόν. Γがんまιいおたαあるふぁ τたう' ατό 'κかっぱ επορεί νにゅーαあるふぁ έχ' άρθρα γがんまιいおたαあるふぁ όλεα τたうαあるふぁ λέξεις τたうηいーた γλώσσας.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ τたうαあるふぁ τたう' εσέτερα τたうαあるふぁ προσωπικά τたうαあるふぁ νουνίζματα κかっぱαあるふぁιいおた ιδέας. Θしーたαあるふぁ γράφουμε ατά πぱいοおみくろんυうぷしろん λέγνε μας ηいーた επιστήμη κかっぱαあるふぁιいおた τたうαあるふぁ γεγονότα. Όντες ηいーた επιστήμη λらむだεいぷしろんεいぷしろんιいおた μας δでるたυうぷしろんοおみくろん πράματα αντίθετα απάν σしぐまοおみくろん θέμαν, κかっぱαあるふぁιいおた τたうοおみくろん ένα θしーたαあるふぁ γράφουμε κかっぱαあるふぁιいおた τたうοおみくろん άλλο. Αέτς πぱいαあるふぁ θしーたαあるふぁ τοπλαεύουμε τたうαあるふぁ γνώσιας.
• Ηいーた Βικιπαίδεια 'κかっぱ εいぷしろんνにゅー φορούμι. Επορείτε νにゅーαあるふぁ γράφετε ούλ' ατά νにゅーτたうοおみくろん θέλετε σしぐまαあるふぁ σελίδας καλατσεματί τたうηいーた χρηστίων. Ακαικά νにゅーαあるふぁ εφτάτε παρακάθ' κかっぱαあるふぁιいおた διάλογον. Σしぐまαあるふぁ σελίδας καλατσεματί τたう' αρθρίων επορείτε νにゅー' εφτάτε διάλογον γがんまιいおたαあるふぁ νにゅーαあるふぁ λύνετε τたうαあるふぁ προβλήματα τたう' αρθρί. Άμα σしぐまηいーた σελίδαν τたう' αρθρί θしーたαあるふぁ γράφετε σしぐまοおみくろん θέμαν απάν μαναχόν. Νにゅーαあるふぁ μみゅーηいーたνにゅー εφτάτε καλάτσεμαν σしぐまοおみくろん άρθρον απές.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ γράφουμε γνώσια νにゅーτたうοおみくろん 'κかっぱ ξέρουμε καλά. Γがんまιいおたαあるふぁ τたう' αναγνώριμα τたうαあるふぁ θέματα ξάι 'κかっぱ θしーたαあるふぁ γράφετε.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ εφτάμε πρωτότυπον αράεμαν. Αδακά 'κかっぱ θしーた' αραεύουμε καινούρεα ιδέας, λέξεις, θεωρίας κかっぱαあるふぁιいおた λύσεις. Τたう' εσέτερα τたうαあるふぁ αραέματα γがんまιいおたαあるふぁ τたうοおみくろん θέμαν θしーたαあるふぁ δημοσιεύετε τたうαあるふぁ σしぐま' άλλον τόπον.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ εφτάμε καταλόγους μみゅーεいぷしろん συνδέσμους, εικόνας κかっぱαあるふぁιいおた αρχεία ήχου.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ εφτάμε ρεκλάμα κかっぱαあるふぁιいおた διαφήμιση.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ τοπλαεύουμε κείμενα νにゅーτたうοおみくろん 'κかっぱ έγραψαμε. Βαλέστε κείμενα όνταν κατέχετε τたうαあるふぁ δικαιώματα πνευματί.
• Ηいーた Βικιπαίδεια 'κかっぱ θしーたαあるふぁ τυπώνεται σしぐまεいぷしろん χαρτίν. Γがんまιいおたαあるふぁ τたう' ατό επορεί νにゅーαあるふぁ έχ' συνδέσμαι, νにゅーαあるふぁ αλλάζ' τたうηいーたνにゅー μορφήν αあるふぁτたう'ς κかっぱαあるふぁιいおた νにゅーαあるふぁ τρανείν.
• Ηいーた Βικιπαίδεια 'κかっぱ εいぷしろんνにゅー τόπον γがんまιいおたαあるふぁ νにゅーαあるふぁ εφτάμε προσωπικόν σάιτ (Αυτοπροβολή).

Νにゅーτたうοおみくろん θしーたαあるふぁ ίνεται αあるふぁνにゅー εφτάτε αλλέτερα

• Άλλος χρήστες θしーたαあるふぁ εφτάει αλλαγάς απάν σしぐまοおみくろん τたう' εσόν τたうοおみくろん γράψιμον.
• Ανίσως τたうοおみくろん άρθρον εいぷしろんνにゅー κατάλληλον, θしーた' αποθηκεύοματο γιά σしぐまηいーたνにゅー Βικιθήκην γιά σしぐまαあるふぁ Βικιφθέγματα. Ώσποτα άμαν 'κかっぱ εいぷしろんνにゅー κατάλληλον, τたうοおみくろん άρθρον θしーたαあるふぁ σβήεται.
• Αφότε τたう' άρθρον εいぷしろんνにゅー άχρηστον, θしーたαあるふぁ σβήεται αλήγορα.
• Αφότε οおみくろん χρήστες εいぷしろんνにゅー τεβεκενλής κかっぱαあるふぁιいおた συνεχίζ' ξάι 'κかっぱ νにゅーαあるふぁ τερεί τたうαあるふぁ νομς νにゅーτたうοおみくろん κανονίζ'νにゅーεいぷしろん τたうηいーた Βικιπαίδειαν, θしーた' ασπαλίζ'νにゅーεいぷしろん τたうηいーたνにゅー IP ή τたうηいーた λογαρίαν αあるふぁτたう'.

Κかっぱιいおた άλλα γがんまιいおたαあるふぁ τたうηいーたνにゅー Βικιπαίδεια

• Βοήθεια
• Νにゅーτたうοおみくろん εいぷしろんνにゅー ηいーた Βικιπαίδεια
• Δικαιώματα πνευματί

Επικοινωνία

• Αγορά, οおみくろん κεντρικόν τόπον επικοινωνίας
• Meta Wikipedia, a site that works alongside the main Wikipedia project. Here you can post essays and discussions about topics related to Wikipedia.