Μαύρον Θάλασσα

Τたうοおみくろん Μαύρον ηいーた Θάλασσα σしぐまοおみくろんνにゅー χάρτεν.

Τたうοおみくろん Μαύρον ηいーた Θάλασσα (κかっぱεいぷしろん Μαυροθαλασα) (σしぐま' αρχαία τたうαあるふぁ χρόνε λέχκουτον Εύξεινος Πόντος) εいぷしろんνにゅー θάλασσαν απές μερέαν. Ευρίεται σしぐまοおみくろん νοτιοανατολικόν τたう' Ευρώπην κかっぱαあるふぁιいおた σしぐまοおみくろん Μικράν Ασίαν απές. Μみゅーεいぷしろん τたう' Μεσόγειο τたうηいーた Θάλασσαν συνδέν' ατέν οおみくろん Βόσπορον κかっぱαあるふぁιいおた ηいーた Θάλασσα Μαρμαρά. Οおみくろん Ισθμόν τたうηいーた Κερτς ενών' ατέν μみゅーεいぷしろん τたうηいーた Θάλασσαν τたう' Αζόφ.

Κράτη νにゅーτたうοおみくろん συνορεύνε μみゅーεいぷしろん τたうοおみくろん Μαύρον τたうηいーた Θάλασσαν

Τουρκία, ηいーた Βουλγαρία, ηいーた Ρουμανία, ηいーた Ουκρανία, ηいーた Ρουσία κかっぱαあるふぁιいおた ηいーた Γρουζία. Τたうοおみくろん Κριμαϊκόν ηいーた χερσόνησος εいぷしろんνにゅー Ουκρανικόν αυτόνομον δημοκρατία. Έχ' τρανά πολιτείας τたうοおみくろんιいおた: Κωνσταντινούπολη, Πύργος, Βάρνα, Κοστάντα, Γιάλτα, Οδησσός, Κέρτς, Νοβοροσίσκ, Σόχι, Σουχούμι, Πότι, Βατούμι, Τραπεζούντα, Σαμψούντα.

Όνομα

Τたう' όνομα «Μαύρον Θάλασσα» 'κかっぱ ευρίσκεται ασόν 13οおみくろんνにゅー αιώναν πριχού. Οおみくろん Στράβων έλεεν Πόντος ατέν (δでるたηいーたλらむだ. «Θάλασσαν») μαναχόν. Σしぐま' ελλενο-ρωμαϊκά τたうαあるふぁ ζαμάναι επαίρεν τたう' όνεμαν «Εύξεινος Πόντος», δでるたηいーたλらむだ. «Φιλόξενον Θάλασσα». Άβούτον τたう' όνεμαν εいぷしろんνにゅー ευφημισμόν κかっぱιいおた επαίρεν τたうηいーた θέσην τたうηいーた παλαιού τたう' ονεματί «Άξεινος Πόντος» (δでるたηいーたλらむだ. «Αφιλόξενον Θάλασσα»), τたうοおみくろん οποίον εγράφκουτον ασόν Πίνδαρον (σしぐまηいーた 5οおみくろんυうぷしろん τたう' αιώνα πぱい.Χかい. τたう' αρχάς). Οおみくろん Στράβων ινάνευεν νにゅーτたうοおみくろん λέχκουτον αέτς πριχού τたう' ελλενικόν τたうοおみくろんνにゅー αποικισμόν. Λόγοι έσαν τたうαあるふぁ δυσκολίας νにゅーτたう' είχανε νにゅー' εφτάνε τたうαあるふぁ πρώτα τたうαあるふぁ πολιτείας εκαιπά. Άμα όντες οおみくろんιいおた Μιλήσιοι εποίκεσαν τたうοおみくろんνにゅー τόπον κかっぱιいおた εποίκαν ατόν μέρος τたう' ελλενικού τたうηいーた πολιτισμού, τたう' όνεμα μεταβάλκουτον κかっぱιいおた εγέντον «φιλόξενον».

Οおみくろんιいおた Τουρκάντ έδωκαν τたう' όνεμα «Μαύρον Θάλασσα» (Karadeniz, τたう' Αγαίον λέγν' ατό «Άσπρον Θάλασσα», Akdeniz). Οσήμερον αβούτο τたう' όνεμα επαίραν ατό κかっぱιいおた άλλα γλώσσας: Ρουσικά: Черное Море, Βουλγαρικά: Черно море (Cherno more), Γεωργιανά: შავი ზღვა (shavi zghva), Ουκρανικά : Chorne More, Ρουμανικά: Marea Neagră, κかっぱλらむだπぱい.

Φωτογραφία: Σα 1915 τたうηいーた χρονίαν.

Βιβλιογραφία

• Charles King, The Black Sea: A History, 2004, ISBN 0-19-924161-9
• William Ryan and Walter Pitman, Noah's Flood, 1999, ISBN 0-684-85920-3
• Neal Ascherson, Black Sea (Vintage 1996), ISBN 0-09-959371-8
• Özhan Öztürk, Karadeniz: Ansiklopedik Sözlük (Black Sea: Encyclopedic Dictionary). 2 Cilt (2 Volumes). Heyamola Publishing. Istanbul.2005 ISBN 975-6121-00-9.

Συνδέζμαι

• Μαύρον Θάλασσα σしぐまαあるふぁ Commons
• Κέντρον γがんまιいおたαあるふぁ τたう' αρχαιολογίαν τたうηいーた Μαύρου τたうηいーた Θάλασσας (Γερμανικά κかっぱιいおた Αγγλικά)
• Goobix.com - Εικόνας ασό Μαύρον τたうηいーた Θάλασσαν (Κούντουρονος 2005)
• Οικολογίαν τたうηいーた Μαύρου τたうηいーた Θάλασσας
• Φωτογραφίας ασήν Τουρκίαν
• Ηいーた Γがんまηいーた ασό Διάστημαν - Μαύρον Θάλασσα
• Μαύρον Θάλασσα
• Εικόνα