Uccn d tfullust

Tinfusin

Niɣ Umiyn niɣd dmin dmin ayndi s tifinaɣ ⵜⵉⵏⴼⵓⵙⵉⵏ ⵏⵉⵖ ⵓⵎⵉⵢⵏ ⵏⵉⵖ ⴷⵎⵉⵏ ⴷⵎⵉⵏ ⴰⵢⵏⴷⵉ gant timzray n zik s tafransist ((contes légendaires) ) lli mmu talsn midn i tarwas ɣ graygat tasga n tamzɣa. Dmin artn ttinin midn itarwans d ar sisnt sgan drrit mẓin. Yili gistn mck n tmitar d iwaliwn fulkin.

Uccn d tfullust

Dmin dmin ayndi, ikkattin ɣ tusutin n zik llin bahra n yaggugn yan w-uccn d yat tfullust. yan was ɣ wussan n Rbbi, yucka-d wuccen amellaẓu ɣ tagant tamqrant lli ixuxxan, ar tama n yat taddagt ɣ tsummer yat tfullust, yini yas:

- Azul fllam a ma tafullust, ifulki igiwr nm.

Trar asd tfullust lli tnna yas:

- Azu1 fellak a w-uccn.

Yinna yas w-uccen:

- Is tssnt ma s ibrrḥ uberraḥ n tagant, ynna ma s ur sul izgr ad icc ugrzam iznkaḍ, izm ad su1 ur icc udadn; igidr ad sul ur igmmr iwtlan ula uccan ad sul ur cttan tifullusin. Awal n uflla han tadimukrasit r-ad tili ɣ tagant, iwa ggizd ad n smgdl imik.

Tafullust trar asd, tggizd macc teksuḍ... Inna yas w-uccen:

- Gggizd a ma, han azmz n tadiktaturit idda! ggwiz ur tkṣut yat.

Siɣ tanni tfullust sin uṣkayn ɣi lli ɣ tlla nttat d w-uccen, tiri ad tggiz. Uccn ntta aylli ɣ izṛa uskayn yiri ad yirwl... Tnna yas tfullust:

- W ah a uccn! Yak tnnit ha ma s ynna ubrraḥ masd tizi n tikṣṣad tdda s yinna! mak za yaɣn budln gik idamn?

Irara asd w-uccn yinna yas:

- Id wacc ad muḥl is sllan i lebrḥ nn ad asng zik ukan !

Ar ilmma ittazzal w-uc tiɣrdin n tfullust ar ttazzaln uskayn tiɣrdin n w-uccn.

Iɣ ur mmutn han ar ukan sul ttazzaln uskayn tivrdin n uccan , uccan tiɣrdin n tfullusin tifullusin tivrdin n wussan.