Воиз
Воиз (араб.) — жамоат олдида нутқ сўзловчи, воизлик билан шуғулланувчи киши, профессионал нотиқ. Воизлар чуқур билим, юксак маданият ва махсус ижрочилик салоҳияти (чиройли ва таъсирчан овози, аниқ ва равшан талаффуз, ўз замонаси учун етакчи тилларни мукаммал билиш ва бошқалар) га эга бўлган. Мусулмон шарқининг йирик олимлари, дин арбоби, адиб ва бошқалар кўпинча етук воизлар ҳам бўлганлар. Хожа Муайяд Меҳнагий, Мавлоно Риёзий, Ҳусайн Воиз Кошифий, Мавлоно Муин Воиз Ҳиравий, Баҳоуддин Валад, Жалолиддин Румий, ХХ асрда муфтий Зиёвуддинхон Эшон Бобохон ўғли ва бошқалар сўз қудрати ва жонли нутқ санъати билан ўз замонасининг машҳур воизлари бўлганлар.
Адабиётлар
[edit | edit source]- ЎзМЕ. Биринчи жилд. Тошкент, 2000-йил
 | Бу андозани аниқроғига алмаштириш керак. |