Poater Lievens
- Dit artikel es geschreevn in 't Môoslees, en da zou best ozô bluuvn.
![](https://upload.wikimedia.org/wikipedia/commons/thumb/e/e3/Constant_Lievens_%281856-1893%29.jpg/220px-Constant_Lievens_%281856-1893%29.jpg)
Poater Constant Lievens es geboren den 10 april 1856 in Môoslee en dôogegoan an de tèrienge de 7 november 1893. Je wos 't zevenste kiend van elve. Zyn voadre wos boer. J'èt 't grotste dêel van zyn kort leevn missionoaris gewist in India.
Leevn
[bewerkn | brontekst bewerken]In 1876 wos Constant Lievens den twiddn in de retorica van 't Klêen Seminoarje in Roeseloare, by paster-lêroare Hugo Verriest. Den êesten wos Albrecht Rodenbach.
Je wilde paster worden, gienk eest vôort lêern in 't zelfste Klêen Seminoarje en toen in september 1877 noa 't Grôot Seminoarje in Brugge vo theologie te studeern. J'a geirne Jezuïet-missionoaris geworden en doavoorn giengt ie noa 't novicioaat in Drongen.
Den 22 oktober 1880 leit ie z'n klôostergeloften of. Dezelfsten dag nog pakt ne den bôot in Ostende vo noar India te reizn. In India lêert ne vôort vo paster en in 1883 wierd ie in Calcutta paster gewyd. Je blêef doa toe 't ende van 't joar lesse geevn. Calcutta wos 't centrum van de misje van West-Bengoalen en Lievens wierd benoemd vo de misje van Chotanagpur.
In 1885 giengt ie noa Torpa woa dat ie probeerde entwa te doen vo d' ôorsproenkelikke bevolkienge die uutgebuut wierd. Je makte under surtout duudlik da ze up under rechtn moestn stoan. Da zorgde nateurlik wok vo hêel wa wryviengn, moa je liet em nie doen en wos oenvermoeiboar.
In 1891 krygt ie 't ôorn dat ie an de tèrienge lydt. En zyn lyfspreuke es nie vo niet "Vier moet branden", want achter twêe moanden rust, kêert ie ol were noa Ranchi vo vôort te werkn. In 1892 kêert ie were noa België vo te probeern te geneezn.
Je goat doad de 7 november 1893, nog moa 37 joar oud.
![](https://upload.wikimedia.org/wikipedia/commons/thumb/5/59/Moorslede_beeld_Constant_Lievens.jpg/220px-Moorslede_beeld_Constant_Lievens.jpg)
Erkennienge
[bewerkn | brontekst bewerken]Standbeeld
[bewerkn | brontekst bewerken]Sichten 1929 stoat er up de mart van Môoslee 'n stanbild van Poater Lievens up zyn peird met 'n kruusbild in zyn andn en nen Indiër geknield d'ervôorn, die wil gedopt wordn.
Anekdote: in Slyps zeggn ze da Lievens Môoslee vôrenstelt en da dienen Indiër Slyps es, die up zyn knien mag zittn vo Môoslee vo ntwodde gedoan te krygn.
Zoaligverkloarienge
[bewerkn | brontekst bewerken]In 2001 wierd de procedeure vo zoaligverkloarienge in gank gezet. De postulateur es ne vroegern ounderpaster van Môoslee, Odiel Denorme.
Externe koppelienge
[bewerkn | brontekst bewerken]![]() |
Ofbeeldiengn die ier by passn ku je vien in de categorie Constant Lievens van Wikimedia Commons. |