Djino
Apparence
![](https://upload.wikimedia.org/wikipedia/commons/thumb/b/b3/Gray350.png/220px-Gray350.png)
Li djno (el djino), c' est ene djonteure metowe inte li coxhe eyet l' djambe (stroet definixha), ou, dit ôtrumint, metowe å mitan del djambe.
Li djno des tchvås (et des ôtes cwate-pates), ci n' est nén l' minme djonteure !'
Antomeye do djno
[candjî | candjî l’ côde wiki]![](https://upload.wikimedia.org/wikipedia/commons/thumb/c/c8/Femur_-_posterior_view5.png/150px-Femur_-_posterior_view5.png)
Gn a cwate oxheas po fé l’ acopleure :
- li dzo di l’ oxhea del coxhe (femur), ki s’ pårtaedje e deus bokets, a môde di deus dmeys cilindes.
- li dzeu des oxheas del djambe ki fwaiynut on platea
- li mustea u schinon del djambe (tibia)
- l' aweye del u fén oxh del djambe (peroné)
- sol divant d' l' acopleure, gn a èn oxhea a pårt, li rôlete do djno ou djouwete ki tént après l’ femur pa troes nierons. C’ est on ptit macasse oxhea, sins miyôle.
Po racopler les oxheas (onk k’ est plat et l’ ôte k’ est rond), gn a deus deus ptits cossinets d' tinroxh, les menisses, ki tnèt eshonne pa deus tindons, lomés les croejhîs loymints.
Come cåzu totes les djonteures do coir, li djno est ecråxhî pa d’ l’ ôle di djonteure ou sinoveye. Cisse-ciale sûne di finès peas ki tapissèt li dbout des oxheas, lomêyes mimbranes al sinoveye.
Maladeyes do djno
[candjî | candjî l’ côde wiki]- Toirtchaedje do djno (di s’ awè treboutchî ou epîté)
- Agritchmint del djouwete (on nel sait pus ployî) (kinoxhou eto ås tchvås et ås vatches)
- Schipaedje do menisse (sovint pa scotaedje des croejhîs loymints (corant ås fotbalisses).
- coixheure do djno (toumaedje a ski)
- roumatisses (artrôze) do djno (pus sovint les comeres ki les omes)
Djimlastike do djno
[candjî | candjî l’ côde wiki]- fé des ronds avou ses deus djnos, d’ astampé, tos les djoûs å matén
- aler a biciclete ou pedaler so des ptitès djéndjoles esprès.