Upptøka 2014
Umsóknarfreist
- Umsóknarfreistin at søkja inn eftir kvotu 2 er 15. mars 2014 á miðnátt.
- Umsóknarfreistin at søkja inn eftir kvotu 1 er 1. juli 2014 á miðnátt.
Boð um upptøku verða (fyri bæði kvotu 1 og 2) send í seinasta lagi mánadagin 14. juli 2014. Váttan fyri, at umsøkjari tekur við lestrarplássinum, skal vera móttikin í seinasta lagi mánadagin 4. august 2014.
Eftir ætlan byrja lesandi á Føroyamálsdeildini mánaðarskiftið august/september 2014
Umsóknarblað
Her er møguligt at taka niður umsóknarblað til upptøku 2014. Eisini er løgd út ein leiðbeining til umsóknarblaðið. Les leiðbeiningina væl, áðrenn tú fyllir umsóknarblaðið út
Kvota 2:
Kvota 1:
Umsóknir kunnu eisini sendast við telduposti til lestur(at)setur.fo
Sí annars nærri kunning á umsóknarblaðnum.
Upptøkutreytin
Upptøkutreytin fyri upptøku at lesa føroyskt á Føroyamálsdeildini er, at umsøkjari hevur bókligt (t.e. gymnasialt) miðnámsprógv. Harumframt eru fylgjandi krøv til at lesa føroyskt:
- 8 í próvtali í føroyskum.
Aðrar javngóðar fortreytir kunnu góðtakast eftir nærri meting í hvørjum einstøkum føri.