Làu-sái
Làu-sái (i-ha̍k kóng pak-sià) sī 1 khoán siau-hoà hē-thóng ê mô͘-pēⁿ. Siū éng-hióng ê lâng 1 kang pàng-sái kúi-ā-kái chì sò͘-cha̍p-kái, jī-chhiáⁿ sái chúi-chúi bē kiat tiâu, mā put-sî kiam pak-tó͘ ká-thiàⁿ, tiùⁿ, lâng beh thò͘ beh thò͘, siūⁿ beh chông piān-só͘. Làu-sái ê in-toan ū kám-jiám (sè-khún, pēⁿ-to̍k, kià-ku-thâng (parasites)), io̍h-bu̍t, chia̍h-mi̍h, ūi-tn̂g pēⁿ téng-téng. Làu-sái it-poaⁿ bē siong-tiōng, m̄-koh lī-hāi ê chêng-hêng (chhiūⁿ kóng lī-chi̍t) mā ē chō chiâⁿ sèⁿ-miā gûi-hiám, te̍k-pia̍t sī gín-á.