Pelindaba
Pelindaba is Suid-Afrika se hoofnavorsingsentrum oor kernkrag. Dit word deur die Suid-Afrikaanse Kernenergie-korporasie bedryf. Suid-Afrika se atoombomme van die jare 1970's is hier ontwikkel, gebou en gestoor. Dit is naby Hartbeespoortdam, ongeveer 33 km (22 myl) wes van Pretoria op 'n plaas wat aan Gustav Preller behoort het geleë.
![](https://upload.wikimedia.org/wikipedia/commons/thumb/e/e6/South_Africa-Pelindaba01.jpg/300px-South_Africa-Pelindaba01.jpg)
![](https://upload.wikimedia.org/wikipedia/commons/thumb/4/47/Pelindaba-geboue.jpg/300px-Pelindaba-geboue.jpg)
Geskiedenis
wysigDie reaktor, SAFARI-1 word sedert 1965 vir navorsingsdoeleindes bedryf. Die reaktor kan tot 20 MW elektrisiteit lewer. 'n 4 MV Van de Graaff-partikelversneller word ook bedryf om navorsing in kernwetenskappe te bevorder.
Die Suid-Afrikaanse Kernenergiekorporasie is in 1999 deur die Republiek van Suid-Afrika as 'n openbare maatskappy gestig.
Ongelukke
wysigDie 1996-ongeluk
wysigIn 1996 word werkers by die fasiliteit aan bestraling blootgestel. Harold Daniels en verskeie ander sterf aan kanker en brandwonde wat met die blootstelling verband hou.[1]
Die 2009-lekkasie
wysigOp 16 Maart 2009 is berig dat 'n lekkasie plaasgevind het en dat radioaktiewe gasse uit die fasiliteit ontsnap het. Abnormale vlakke van gamma-straling wat verband hou met xenon- en kripton-gasse is opgespoor. 'n Noodtoestand is verklaar en personeel is van die perseel ontruim.[2]