Shipra
Die Shipra, ook bekend as die Kshipra, is ’n rivier in Sentraal-Indië. Dit ontstaan in die noorde van die Dhar-distrik, vloei noord oor die Malwa-plato en sluit in die Mandsaoer-distrik by die Chambalrivier aan. Dit is een van die heilige riviere in Hindoeïsme. Die heilige stad Ujjain is aan sy oosteroewer geleë. Die godsdiensfees Kumbh Mela word elke 12 jaar op die stad se ghats (trappe) gehou. Daar is honderde Hindoetempels aan die rivier se oewers.
Shipra शिपरा | |
---|---|
Stroomgebied | ![]() |
Oorsprong | Shipra, Indië |
Shipra is ’n standhoudende rivier. Vroeër was daar baie water, maar deesdae hou die rivier vir ’n paar maande op met vloei ná die moeson.
Die naam "shipra" word in dié verband gebruik as ’n simbool van "reinheid" (van siel, liggaam, emosies, ens.) of "kuisheid".
Mite
wysigVolgens legende het Sjiwa vir aalmoese gaan bedel met die kopbeen van Brahma as geldbakkie. Hy het nêrens in die drie wêrelde enige aalmoese gekry nie. Eindelik het hy na Vaikunth, Wisjnoe se woning, gegaan en by laasgenoemde aalmoese gevra. Wisjnoe het vir Sjiwa sy indeksvinger gewys, en dié het woedend geraak. Hy het sy drietand uitgehaal en Wisjnoe se vingers afgesny. Die vingers het erg begin bloei en die bloed het in Brahma se skedel begin versamel en kort daarna oor die kante gevloei. Dit het ’n stroom geword en eindelik ’n rivier: die Shipra.
Volgens die Puranas, die antieke Hindoegeskrifte, kon die Shipra ook sy oorsprong gehad het in die hart van Waraha, Wisjnoe se inkarnasie as ’n beer.
Ook op die oewers van die Shipra is die heilige Sandipani se kluisenaarshut waar die blou god, Krisjna, Wisjnoe se agtste inkarnasie, studeer het.
Eksterne skakels
wysig- Holly Bath in Shipra River Ujjain At Somvarti Amavasya (India News). 5 Desember 2013.