Valsbaai
Valsbaai | |
---|---|
![]() Nasa-Satellietfoto met Valsbaai (bo), Kaapstad (middel) en Tafelbaai (regs) | |
Koördinate: | 34°13′S 18°38′O / 34.217°S 18.633°O |
Ligging: | Wes-Kaap, Suid-Afrika |
Soort: | Baai van die Atlantiese Oseaan |
Breedte: | 30 km |
Invloei: | Eersterivier, Lourensrivier |
Uitvloei: | Atlantiese Oseaan |
Valsbaai (Engels: False Bay) is 'n baai met 'n kuslengte van sowat 48 kilometer naby Kaapstad, met Kaappunt en die Kaapse Skiereiland aan die westelike kant en die Hottentots-Hollandberge aan die oostekant.
![](https://upload.wikimedia.org/wikipedia/commons/thumb/9/9d/Smitswinkel_Bay.jpg/220px-Smitswinkel_Bay.jpg)
Onder die vroeë Portugese seevaarders het Valsbaai as Golfo Dentro das Sierras of "Baai tussen die Berge" bekend gestaan. Baie skepe, wat van die Verre-Ooste terugkeer, het die Kaap Hangklip aan die oostelike kant van die baai as Kaappunt aangesien en vaar dus die "valse baai" in. Gevolglik kry Kaap Hangklip vinnig die Portugese naam Cabo Falso ("Valse Kaap").
Die water in die baai het 'n matige temperatuur in vergelyking met strande langs die Atlantiese Oseaan wat deur die koue Benguelastroom beïnvloed word. Talle vissersdorpies en vakansieoorde het langs die kuslyn van Valsbaai ontwikkel, waaronder Vishoek, Muizenberg, Strand en Gordonsbaai. Simonstad is die hoofkwartier van die Suid-Afrikaanse Vloot.
![](https://upload.wikimedia.org/wikipedia/commons/thumb/0/00/Monwabisi_Beach_Resort%2C_False_Bay.jpg/800px-Monwabisi_Beach_Resort%2C_False_Bay.jpg)
Bronnelys
wysig- Bang, Nils D.: Oceanography and naval tragedy. In: Lantern. Tydskrif vir Kennis en Kultuur. Jaargang 17, nr. 1, September 1967
- Bang, Nils D.: Sea-fringe hazards. In: Lantern. Tydskrif vir Kennis en Kultuur. Jaargang 17, nr. 4, Junie 1968
Eksterne skakels
wysig- Wikimedia Commons het meer media in die kategorie Valsbaai.