Zsa Zsa Gabor
Zsa Zsa Gabor (1917 – 2016) was 'n Hongaars-Amerikaanse aktrise van Joodse afkoms, maar was meer bekend vir haar skerp tong en nege huwelike. In 1936 het sy die Mej. Hongarye-kompetisie gewen. Sy was onder andere bekend vir een van haar uitsprake op 'n TV-geselsprogram: "Ek is 'n uitstekende huishoudster; elke keer as ek 'n man los hou ek sy huis".[1][2]
Zsa Zsa Gabor | |
|---|---|
 Zsa Zsa Gabor in 1959 | |
| Gebore | Sári Gábor 16 Februarie 1917 |
| Sterf | 18 Desember 2016 (op 99) Bel Air, Los Angeles, Kalifornië |
| Nasionaliteit |  Hongarye Verenigde State |
| Beroep | Aktrise en sosiale vlinder |
| Eggenoot | Burhan Asaf Belge (1937–1941; geskei) Conrad Hilton (1942–1947; geskei) George Sanders (1949–1954; geskei) Herbert Hutner (1962–1966; geskei) Joshua S. Cosden, Jr. (1966–1967; geskei) Jack Ryan (1975–1976; geskei) Michael O'Hara (1976–1983; geskei) Felipe de Alba (1983–1983; geskei) Frédéric Prinz von Anhalt (1986–2016; haar dood) |
| Kinders | Francesca Hilton (1947–2015) |
| Ouer(s) | Jolie Gabor (moeder) Vilmos Gábor (vader) |
Beknopte biografie
wysig
Sári Gábor is op 6 Februarie 1917 in Boedapest, Oostenryk-Hongarye, as tweede van drie dogters van Jolie (née Janka Tilleman) en Vilmos Gábor gebore. Haar ouer suster Magda en jonger suster Eva was ook, net soos sy, aktrises en sosiale vlinders.
Gábor begin haar loopbaan in 1936 in Wene. In 1941 emigreer sy van Hongarye na die Verenigde State van Amerika, waar sy in 'n gesogte aktrise met 'n "Europese flair en styl" ontaard, wie se persoonlikheid "sjarme en grasie uitstraal".[3] Sy maak haar debuut in die rolprent Lovely to Look At. Sy het later in We're Not Married! opgetree en het 'n leidende rol in haar man, John Huston, se film Moulin Rouge (1952) gespeel. Huston het haar later as 'n "geloofwaardige" aktrise beskryf.[4]
Naas haar loopbaan as akteur was Gabor bekend vir haar uitspattige Hollywood-lewenstyl, haar glansryke persoonlikheid, en haar baie huwelike. Sy was in totaal met nege mans getroud. Sy het op 'n keer gesê: "Mans het nog altyd van my gehou en ek van hulle. Maar, ek hou van 'n manlike man, 'n man wat weet hoe om met 'n vrou te praat en haar te behandel – nie net 'n man met spiere nie".[5]
Sy is op 18 Desember 2016 by haar huis in Los Angeles, Kalifornië, aan 'n hartaanval oorlede. Sy was 99 jaar oud.[6]
Verwysings
wysig- ↑ "Zsa Zsa Gabor" (in Engels). imdb.com. Geargiveer vanaf die oorspronklike op 28 Augustus 2019.
- ↑ "Xenophobe's guide to the Hungarians" (in Engels). Ovalbooks.com. Geargiveer vanaf die oorspronklike op 23 November 2019. Besoek op 13 Augustus 2010.
- ↑ Barris, George. Barris Cars of the Stars, MBI Publishing (2008), bl. 71
- ↑ Huston, John. John Huton: Interviews, Univ. Press of Mississippi (2001), bl. 11
- ↑ "Love Hints from Zsa Zsa", Life Magazine, 15 Oktober 1951 (voorbladstorie).
- ↑ "Publicist: Iconic Actress Zsa Zsa Gabor Dead At 99". cbslocal (in Engels). Geargiveer vanaf die oorspronklike op 26 Desember 2019. Besoek op 18 Desember 2016.
Eksterne skakels
wysig
Wikimedia Commons het meer media in die kategorie Zsa Zsa Gabor.- (en) Zsa Zsa Gabor in die Internet-rolprentdatabasis
