Wikipedia:Uitgesoekte herdenkings/Julie

Januarie - Februarie - Maart - April - Mei - Junie - Julie - Augustus - September - Oktober - November - Desember

---

Uitgesoekte herdenkings wysigingsriglyne

Vandag is Dinsdag, 2 Julie 2024; dit is nou 12:36 (UTC)

---

---

1 Julie: Kanadadag (1867); Republiekdag in Ghana (1960); Onafhanklikheidsdag in Rwanda (1962)

Olimpiese Somerspele 1904

• 1867 – Kanadadag: Die Kanadese Federasie word volgens die British North America Act deur die vier provinsies Nieu-Brunswyk, Nova Scotia, Ontario en Quebec gestig, en ontvang sy onafhanklikheid van die Verenigde Koninkryk.
• 1903 – Die eerste Tour de France-fietsresies word aangebied.
• 1904 – Die eerste Olimpiese Somerspele in Noord-Amerika open in St. Louis, Missouri.
• 1994 – Jasser Arafat beëindig 27-jaar van bannelingskap en keer terug na die Gasastrook.
• 1997 – Die Verenigde Koninkryk oorhandig beheer van Hongkong aan die Volksrepubliek China.
• 2013 – Kroasië verlaat die Sentraal-Europese Vryehandelsooreenkoms en word lid van die Europese Unie.

besigtig - bespreek - wysig - geskiedenis

---

2 Julie:

Die eerste Zeppelin

• 1839 – 'n Skeepslading van 53 slawe uit Afrika kom in opstand op die slaweskip Amistad aan die kus van Kuba.
• 1900 – Die eerste Zeppelin vlieg oor die Bodenmeer naby Friedrichshafen, Duitsland.
• 1932 – President Franklin D. Roosevelt beloof in sy aanvaardingstoespraak 'n "nuwe bedeling" (Engels: New Deal) vir die mense van die Verenigde State.
• 1964 – President Lyndon B. Johnson teken die VSA se menseregtehandves (Civil Rights Bill).
• 1976 – Noord- en Suid-Viëtnam verenig om die Sosialistiese Republiek van Viëtnam te vorm.

besigtig - bespreek - wysig - geskiedenis

---

3 Julie: Onafhanklikheidsdag in Belarus (1944)

Benz se eerste driewielmotor

• 1608 – Quebecstad word gestig deur Samuel de Champlain.
• 1883 – Gebore: Franz Kafka, een van die grootste fiksieskrywers van die 20ste eeu.
• 1886 – Karl Benz onderneem 'n proefrit met sy eerste motor in Mannheim.
• 1890 – Idaho sluit aan by die Verenigde State van Amerika.
• 1962 – Algerië verkry onafhanklikheid na 130 jaar van Franse bewind.
• 1971 – Oorlede: Jim Morrison, hoofsanger en liriekeskrywer van die Amerikaanse musiekgroep The Doors.
• 1991 – Adigea word 'n outonome republiek van die Russiese Federasie.

besigtig - bespreek - wysig - geskiedenis

---

4 Julie: Onafhanklikheidsdag in die Verenigde State (1776); Republiekdag in die Filippyne (1946)

Krap-newel

• 1054 – Chinese sterrekundiges neem 'n supernova in die Krap-newel waar.
• 1776 – Die Kontinentale Kongres bekragtig die Verenigde State se onafhanklikverklaring van die Koninkryk van Groot-Brittanje.
• 1879 – Anglo-Zoeloe-oorlog: Cetshwayo se magte word finaal deur die Britte verslaan by oNdini (Ulundi) en sy koninklike woning word afgebrand.
• 1934 – Die Poolse chemikus en dubbele Nobelpryswenner Marie Curie sterf op 66-jarige ouderdom aan leukemie.
• 1976 – Operasie Entebbe: Israeliese kommando's oorval Uganda se Entebbe-lughawe om gyselaars te bevry wat deur militante van die Palestynse Bevrydingsorganisasie en Rote Armee Fraktion aangehou is.

besigtig - bespreek - wysig - geskiedenis

---

5 Julie:

Bauhaus in Dessau deur Walter Gropius

• 1687 – Volume 1 van Isaac Newton se Philosophiae Naturalis Principia Mathematica word vir die eerste keer gepubliseer.
• 1811 – Venezuela verklaar sy onafhanklikheid van Spanje.
• 1969 – Die Duitse argitek Walter Gropius, stigter van Bauhaus, sterf op 86-jarige ouderdom in Boston in die Verenigde State.
• 1975 – Kaap Verde word van Portugal onafhanklik.
• 1989 – Oliver North word gevonnis vir sy aandeel in die Iran-Contra-skandaal.

besigtig - bespreek - wysig - geskiedenis

---

6 Julie: Onafhanklikheidsdag in Malawi (1964)

VSA Dollarnote

• 1785 – Die dollar word eenparig gekies as geldeenheid vir die Verenigde State.
• 1885 – Louis Pasteur toets sy entstof teen hondsdolheid suksesvol op Joseph Meister.
• 1964 – Malawi verkry sy onafhanklikheid van die Verenigde Koninkryk.
• 1975 – Die Comore-eilande kry sy onafhanklikheid van Frankryk.
• 1987 – Apartheid: 'n Groep Afrikaanse Suid-Afrikaners vertrek uit Johannesburg om met die ANC in Dakar te vergader.

besigtig - bespreek - wysig - geskiedenis

---

7 Julie: San Fermín in Pamplona, Navarra, Spanje.

Johanna van Arkel

• 1456 – Johanna van Arkel word deur pous Callixtus III onskuldig bevind meer as 20 jaar na haar dood op die brandstapel.
• 1846 – Meksikaans-Amerikaanse Oorlog: Kommodoor John Drake Sloat beset Monterey en Yerba Buena, en begin daarmee die Verenigde State se anneksering van Kalifornië tydens die oorlog met Meksiko.
• 1898 – Die Verenigde State annekseer Hawaii.
• 1969 – Frans word gelyk gestel met Engels in die hele Kanadese nasionale regering.
• 1985 – Boris Becker wen as eerste Duitser en op 17 die jongste speler ooit, die mansenkelspelkampioenskap op Wimbledon deur Suid-Afrika se Kevin Curren in vier stelle te klop.

besigtig - bespreek - wysig - geskiedenis

---

8 Julie:

Die Liberty Bell

• 1497 – Vasco da Gama begin die eerste direkte seevaart van Europa na Indië.
• 1709 – In Oekraïne verslaan Pieter I van Rusland vir Karel XII van Swede by Poltava en beëindig daarmee Swede se rol as 'n grootmoontheid in Europa.
• 1776 – Volgens oorlewering word die Liberty Bell in Philadelphia, Pennsilvanië, vir die eerste lesing van die Amerikaanse onafhanklikheidsverklaring gelui.
• 1777 – Die "Republiek van New Connecticut" word herdoop tot die "Republiek van Vermont".
• 1889 – Die eerste uitgawe van die Wall Street Journal word gepubliseer.

besigtig - bespreek - wysig - geskiedenis

---

9 Julie: Onafhanklikheidsdag in Argentinië (1816) en Suid-Soedan (2011).

Jupiter

• 1810 – Die Koninkryk van Holland word deur Frankryk geannekseer.
• 1942 – Holocaust: Anne Frank se gesin begin skuil in 'n solder bo haar vader se kantoor in 'n Amsterdamse pakhuis.
• 1979 – Die Amerikaanse ruimtetuig Voyager 2 vlieg by Jupiter verby en stuur talle foto's van Jupiter en sy mane terug.
• 2002 – Die Afrika-unie word in Addis Abeba, Ethiopië, tot stand gebring.
• 2011 – Suid-Soedan verklaar as gevolg van 'n positiewe referendum sy onafhanklikheid van Soedan.

besigtig - bespreek - wysig - geskiedenis

---

10 Julie: Onafhanklikheidsdag in die Bahamas (1973)

Death Valley

• 48 v.C. – Julius Caesar het 'n noue ontkoming in 'n katastrofiese nederlaag teen Pompeius in Masedonië.
• 1509 – Gebore: Johannes Calvyn, kerkhervormer en stigter van Calvinisme, in die Pikardiese stad Noyon.
• 1913 – In Death Valley, Kalifornië, word 'n temperatuur van 56,7 °C (134 °F) gemeet – dit is die hoogste temperatuur wat nog in die Verenigde State gemeet is.
• 1973 – Die Bahamas verkry hul onafhanklikheid van die Verenigde Koninkryk.
• 1985 – Die Franse Geheime Diens sink die Greenpeace-skip Rainbow Warrior in Auckland se hawe.

besigtig - bespreek - wysig - geskiedenis

---

11 Julie: Vlaamse nasionale feesdag

• 1302 – Vlaandere verslaan Frankryk in die Guldensporenslag.
• 1533 – Koning Hendrik VIII van Engeland word deur pous Clemens VII ge-ekskommunikeer.
• 1804 – Die Amerikaanse staatsman Alexander Hamilton word noodlottig gewond in 'n tweegeveg met Aaron Burr.
• 1811 – Die Italiaanse wetenskaplike Amedeo Avogadro publiseer sy verhandeling oor die molekulêre inhoud van gasse.
• 1979 – Die Skylab-ruimtestasie val terug na die aarde en wrakstukke land in Australië en die Indiese Oseaan.

besigtig - bespreek - wysig - geskiedenis

---

12 Julie:

Pablo Neruda

• 1645 – Tsaar Aleksei van Rusland begin sy ampstermyn as heerser van Rusland.
• 1904 – Gebore: Digter en Nobelpryswenner Pablo Neruda, in Parral, Chili.
• 1975 – São Tomé en Príncipe verklaar sy onafhanklikheid van Portugal.
• 1986 – 'n Oranje-optog lei tot onluste in Portadown, County Armagh in Noord-Ierland.
• 1993 – 'n Aardbewing aan die kus van Hokkaido, Japan, wat 7,8 op die Richterskaal registreer, veroorsaak 'n tsoenami met 202 sterfgevalle op die klein eiland Okushiri.

besigtig - bespreek - wysig - geskiedenis

---

13 Julie:

Daniël François Malan

• 100 v.C. – Gebore: Romeinse generaal en staatsman Julius Caesar.
• 1950 – Die Nasionale Party onder D.F. Malan voer die Groepsgebiedewet deur die Suid-Afrikaanse parlement - soos die Bevolkingsregistrasiewet, 'n sleutelwet van Apartheid.
• 1954 – Die Meksikaanse skilder Frida Kahlo sterf op 47-jarige ouderdom aan 'n longembolisme.
• 1980 – Sir Seretse Khama, die eerste president van Botswana, sterf aan kanker van die pankreas.
• 2014 – Duitsland wen die 20ste Sokker-Wêreldbekertoernooi in Brasilië, die eerste keer in 24 jaar, nadat hulle Argentinië in die eindstryd met 1–0 klop.

besigtig - bespreek - wysig - geskiedenis

---

14 Julie: Bastilledag in Frankryk (1789; Festino di Santa Rosalia Palermo, Italië

• 1789 – Die Franse Rewolusie begin met die bestorming van die gevangenis Bastille in Parys.
• 1867 – Die eerste demonstrasie van dinamiet deur Alfred Nobel.
• 1904 – Die president van die ZAR Paul Kruger sterf op 78-jarige ouderdom in Clarens in Switserland.
• 1958 – Irakse rewolusie: Koning Faisal II word deur Arabiese nasionaliste tot 'n val gebring en Abdul Karim Kassem word die land se nuwe leier.
• 1990 – Die Inkatha nasionale kulturele bevrydingsbewing, gestig in 1975, word hervorm tot die veelrassige Inkatha-Vryheidsparty (IVP) op 'n konferensie in Ulundi.

besigtig - bespreek - wysig - geskiedenis

---

15 Julie:

Rosettasteen

• 1606 – Die skilder Rembrandt van Rijn word in Leiden, Nederland, gebore.
• 1799 – Franse soldate ontdek die Rosettasteen op die dorpie Rasjid in Egipte se Nyldelta.
• 1916 – Die Boeing-maatskappy word in Seattle, Verenigde State, gestig.
• 1997 – Die Italiaanse modeontwerper Gianni Versace word voor sy huis in Miami doodgeskiet.
• 1999 – Die Volksrepubliek China verklaar dat hy oor die nodige tegnologie beskik om 'n neutronbom te vervaardig.

besigtig - bespreek - wysig - geskiedenis

---

16 Julie:

Jupiter

• 1918 – Nikolaas II, die laaste tsaar van Rusland en laaste heerser van die Romanof-dinastie (1613-1917), word in Jekaterinburg op bevel van die plaaslike sowjet tereggestel.
• 1969 – Die Apollo 11-sending begin met die lansering van die Saturn V-vuurpyl by die Kennedy-ruimtesentrum as deel van die eerste sending om 'n mens op die maan te land.
• 1979 – Saddam Hoesein neem oor as Irak se president.
• 1982 – C.R. Swart, die laaste Goewerneur-Generaal van die Unie van Suid-Afrika en die eerste Staatspresident van die Republiek van Suid-Afrika, sterf.
• 1994 – Die planeet Jupiter word deur fragmente van die komeet Shoemaker-Levy 9 getref.

besigtig - bespreek - wysig - geskiedenis

---

17 Julie: Grondwetdag in Suid-Korea (1948)

Napoleon I

• 1815 – Napoleontiese Oorloë: Napoleon gee by Rochefort, Frankryk, aan Britse magte oor.
• 1936 – Die Spaanse Burgeroorlog, wat tot 1939 sou duur, begin met 'n militêre staatsgreep deur die regse nasionaliste onder generaal Franco in Spaans-Marokko.
• 1943 – Oorlede: Sir Patrick Duncan, die sesde goewerneur-generaal van die Unie van Suid-Afrika.
• 1976 – Die openingseremonie van die 21ste Olimpiese Somerspele in Montreal word in die wiele gery deur die onttrekking van 25 Afrika-lande uit protes teen Nieu-Seeland se deelname aan die spele omdat die land 'n rugbytoer na Suid-Afrika onderneem.
• 1998 – 'n Tsoenami, veroorsaak deur 'n ondersese aardbewing, verwoes 10 dorpies in Papoea-Nieu-Guinee, met 'n geskatte dodetal van 1 500.

besigtig - bespreek - wysig - geskiedenis

---

18 Julie:

Mein Kampf

• 1918 – Gebore: Nelson Mandela, Nobelpryswenner en voormalige president van Suid-Afrika, in Mvezo, Transkei, Suid-Afrika.
• 1925 – Adolf Hitler publiseer sy persoonlike manifes Mein Kampf.
• 1982 – Die weermag van Guatemala en geallieerde paramilitêres vermoor meer as 250 Maya-arbeiders in die Plan de Sánchez-slagting.
• 2003 – Dr. David Kelly, vermiste Britse wetenskaplike wat betrokke was by die omstredenheid rondom die Verenigde Koninkryk se deelname aan die oorlog in Irak, se liggaam word in 'n bos naby sy huis in Oxfordshire gevind.
• 2011 – Oorlede: Generaal Magnus Malan, Minister van Verdediging en Hoof van die Suid-Afrikaanse Weermag.

besigtig - bespreek - wysig - geskiedenis

---

19 Julie:

Frans-Duitse Oorlog

• 711 – Moslem-magte onder Tariq ibn-Ziyad verslaan Roderik, koning van die Wes-Gote, in Spanje.
• 1553 – Lady Jane Grey word deur Maria I van Engeland as koningin van Engeland vervang nadat sy die titel net nege dae lank gehad het.
• 1870 – Frankryk verklaar oorlog teen Pruise en begin daarmee die Frans-Duitse Oorlog.
• 1944 – Gevangenes in die politieke gevangenis Pawiak ('n deel van die Warskou-konsentrasiekamp), probeer 'n massaontsnapping uitvoer tydens die Tweede Wêreldoorlog.
• 1965 – Die Suid-Afrikaanse digteres Ingrid Jonker pleeg selfmoord deur in die see te loop by Drieankerbaai, naby Kaapstad.

besigtig - bespreek - wysig - geskiedenis

---

20 Julie:

Buzz Aldrin op die maan, met Neil Armstrong wat in sy helm weerkaats

• 1810 – Colombia word onafhanklik van Spanje verklaar.
• 1969 – Die Apollo 11-ruimtetuig land op die maan en Neil Armstrong word die eerste mens wat op die maan loop.
• 1987 – Apartheid - Die groep Afrikaanse Suid-Afrikaners wat tydens die Dakar-beraad met die ANC vergader het, word op die Jan Smuts-lughawe in Johannesburg deur die AWB ingewag.
• 1989 – Die Mianmarese menseregte-aktivis Aung San Suu Kyi word deur die regering in huisarres geplaas.
• 2005 – Oorlede: James Doohan, die akteur wat die rol van Scotty in Star Trek vertolk het.

besigtig - bespreek - wysig - geskiedenis

---

21 Julie: Nasionale Dag van België (1831).

USS Constitution in 1997

• 230 – Pous Urbanus I word opgevolg deur pous Pontianus.
• 1861 – Amerikaanse Burgeroorlog: Die eerste Slag van Bull Run vind plaas.
• 1994 – Tony Blair word tot hoof van die Arbeidersparty verkies en word sodoende leier van die Britse opposisie.
• 1995 – Die Chinese weermag begin missiele in die water noord van Taiwan vuur en ontketen daarmee die Derde Straat van Taiwan-krisis.
• 1997 – Die 200ste verjaardag van die volledig gerestoureerde USS Constitution (alias "Old Ironsides") word gevier deur vir die eerste keer in 116 jaar 'n vaartog te onderneem.

besigtig - bespreek - wysig - geskiedenis

---

22 Julie: Feesdag van Maria Magdalena (Christendom).

Die King David Hotel ná die bomaanslag

• 1848 – In die aanloop na die Slag van Boomplaats word Andries Pretorius tot "rebel" verklaar en 'n losprys van £1 000 word op sy kop geplaas.
• 1946 – 'n Irgunbom vernietig die hoofkantoor van die Britse administrasie van Israel by die King David Hotel in Jerusalem, met 90 sterftes tot gevolg.
• 1967 – Oorlede: Carl Sandburg, Amerikaanse digter en Pulitzerpryswenner.
• 1994 – 'n Gambiese staatsgreep vind in die hoofstad Banjul plaas.
• 1994 – Die laaste stukke van die komeet Shoemaker-Levy 9 tref die planeet Jupiter.
• 2003 – Amerikaanse magte val 'n kamp in Mosoel, Irak, aan en dood Saddam Hoesein se seuns Uday en Qusay.

besigtig - bespreek - wysig - geskiedenis

---

23 Julie: Geboortedag van Haile Selassie (Rastafarianisme).

Haile Selassie

• 685 – Pous Johannes V volg pous Benedictus II op.
• 1164 – Keulen ontwikkel tot een van die belangrikste bedevaartsoorde in die Heilige Romeinse Ryk nadat die relieke van die Drie Wyse Manne uit die Ooste daarheen gebring is.
• 1853 – Die Voortrekkerleier Andries Pretorius sterf en sy seun, Marthinus Wessel Pretorius, volg hom op as kommandant-generaal van die distrikte Potchefstroom en Rustenburg.
• 1892 – Gebore: Haile Selassie, keiser van Ethiopië en volgens aanhangers van Rastafarianisme die verpersoonliking van God.
• 1914 – Die Ultimatum van Oostenryk-Hongarye aan Serwië lei tot die begin van die Eerste Wêreldoorlog.

besigtig - bespreek - wysig - geskiedenis

---

24 Julie:

Machu Picchu

• 1534 – Jacques Cartier sit voet aan wal op die skiereiland Gaspésie by Quebec.
• 1898 – Gebore: Amelia Earhart, die Amerikaanse lugvaartpionier.
• 1911 – Hiram Bingham herontdek Machu Picchu, "die Verlore Stad van die Inkas", in die Peruviaanse Andes.
• 1940 – Die Britse Royal Air Force en die Amerikaanse Army Air Forces begin met Operasie Gomorrha: 'n reeks bomaanvalle op Hamburg tydens die Tweede Wêreldoorlog.
• 1974 – Oorlede: Die Britse fisikus en Nobelpryswenner James Chadwick, ontdekker van die neutron.

besigtig - bespreek - wysig - geskiedenis

---

25 Julie:

Louis Blériot

• 306 – Konstantyn I word deur sy soldate uitgeroep tot Romeinse keiser.
• 1909 – Die Franse vlieënier Louis Blériot voltooi die eerste suksesvolle vlug oor die Engelse Kanaal in 'n vliegtuig swaarder as lug, van Calais na Dover in 37 minute.
• 1943 – Benito Mussolini word uit sy pos gedwing deur sy eie Italiaanse Hoofraad en deur Pietro Badoglio vervang.
• 1946 – Die Verenigde State toets vir die eerste keer 'n kernwapen onderwater by die Bikini-atol.
• 1971 – Chris Barnard doen die eerste gekombineerde hart-longoorplanting op 'n mens in die Groote Schuur-hospitaal in Kaapstad, Suid-Afrika.

besigtig - bespreek - wysig - geskiedenis

---

26 Julie: Onafhanklikheidsdag in Liberië (1847).

Eva Peron

• 1788 – New York word die 11de deelstaat van die Verenigde State.
• 1847 – Liberië word die eerste onafhanklike republiek in Afrika.
• 1952 – Eva Perón, vrou van die president van Argentinië, sterf op 33-jarige ouderdom aan kanker.
• 1953 – Fidel Castro lei 'n onsuksesvolle aanval op die Moncada-kaserne en begin daarmee die Kubaanse Rewolusie.
• 1975 – In Suid-Afrika smelt die Progressiewe Party saam met die Reformiste Party om die Progressiewe Reformiste Party te vorm.

besigtig - bespreek - wysig - geskiedenis

---

27 Julie:

Selfportret van Vincent van Gogh in 1887

• 1890 – Vincent van Gogh skiet homself in die bors ná 'n stryd met depressie.
• 1940 – Duitsland loods die eerste lugaanval op Nantes, Frankryk, tydens die Tweede Wêreldoorlog.
• 1953 – 'n Wapenstilstand beëindig die drie-jarige Korea-oorlog.
• 1975 – As gevolg van toenemende spanning in Angola sluit die Britse regering sy konsulaat en neem Britse burgers uit die land.
• 1982 – Die huursoldaatleier kolonel "Mad Mike" Hoare word skuldig bevind aan die kaping van 'n vliegtuig om te ontsnap ná die mislukte staatsgreeppoging in die Seychelle onder sy leiding.

besigtig - bespreek - wysig - geskiedenis

---

28 Julie: Feesdag van Pous Victor I in die Rooms-Katolieke Kerk; Onafhanklikheidsdag in Peru (1821).

Maximilien Robespierre

• 1794 – Tydens die Franse Rewolusie word die terreurbewindleier Maximilien Robespierre met die valbyl tereggestel.
• 1914 – 'n Maand ná die moord op die troonopvolger van Oostenryk-Hongarye, Franz Ferdinand, word oorlog met Serwië verklaar en begin die Eerste Wêreldoorlog.
• 1976 – 'n Aardbewing van 7,8 op die Richterskaal verwoes Tangshan, Volksrepubliek China, met 242 769 sterftes en 164 851 beserings tot gevolg.
• 1984 – Openingseremonie van die 23ste Olimpiese Somerspele in Los Angeles, Verenigde State.
• 1990 – Alberto Fujimori word president van Peru en die eerste persoon van Oos-Asiese afkoms wat die uitvoerende hoof van 'n nie-Asiese land word.

besigtig - bespreek - wysig - geskiedenis

---

29 Julie:

Lady Diana in 1985

• 1929 – Gebore: Franse sosioloog en filosoof Jean Baudrillard.
• 1954 – The Fellowship of the Ring, die eerste deel van J.R.R. Tolkien se The Lord of the Rings, word uitgereik.
• 1968 – Pous Paulus VI hernu die verbod op geboortebeperking deur Rooms-Katolieke, ten spyte van 'n kerkkommissie se aanbevelings.
• 1981 – Prins Charles en Lady Diana trou.
• 2012 – Die Suid-Afrikaaanse atleet Cameron van der Burgh wen die goue medalje tydens die Olimpiese Somerspele 2012 in die 100m borsslag.

besigtig - bespreek - wysig - geskiedenis

---

30 Julie:

Christophorus Columbus

• 1502 – Christophorus Columbus sit voet aan wal by Guanaja op die Bay-eilande aan die kus van Honduras tydens sy vierde ontdekkingsreis.
• 1629 – 10 000 mense sterf in 'n aardbewing in Napels, Italië.
• 1733 – Die eerste herberg van die Vrymesselaars word geopen in die toekomstige Verenigde State.
• 1980 – Vanuatu verkry sy onafhanklikheid van die Verenigde Koninkryk en Frankryk.
• 1991 – Die Suid-Afrikaanse Groepsgebiedewet word afgeskaf.

besigtig - bespreek - wysig - geskiedenis

---

31 Julie:

Die Maankarretjie van Apollo 15

• 1826 – In Valencia word die laaste "ketter" teen die Rooms-Katolieke geloof onder die Inkwisisie tereggestel.
• 1845 – Die Wes-Kaapse dorp Prins Albert kry sy naam ter ere van koningin Victoria se eggenoot Albert.
• 1938 – Gebore: Afrikaanse skrywer J.C. Steyn.
• 1941 – Joodse volksmoord: Hermann Göring beveel die SS-generaal Reinhard Heydrich om 'n finale oplossing vir die Joodse kwessie te vind.
• 1971 – Apollo-program: Die eerste maankarretjie word tydens die Apollo 15-maansending gebruik.

besigtig - bespreek - wysig - geskiedenis

---

Januarie - Februarie - Maart - April - Mei - Junie - Julie - Augustus - September - Oktober - November - Desember

---

Uitgesoekte herdenkings wysigingsriglyne