Marsworth
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Marsworth | |
---|---|
Dorp | |
![]() All Saints Church, Marsworth | |
Koördinate: 51°49′21″N 0°39′58″W / 51.82250°N 0.66611°W | |
Land | ![]() |
Land | Engeland |
Graafskap | Buckinghamshire |
Bevolking | |
• Totaal | 741 |
Tydsone | UTC+00:00 (MGT) |
• Somertyd | UTC+01:00 (BST) |
Poskode | HP23 |
Skakelkodes | 01296 |
Marsworth is 'n dorp en ook 'n civil parish binne Aylesbury Vale distrik in Buckinghamshire, Engeland. Dit is sowat drie kilometer noord van Tring, in Hertfordshire, en tien kilometer oos van Aylesbury. In 2011 het dit 'n bevolking van 741 gehad.[1]
Vroeë geskiedenis
Die dorp se naam is Angel-Saksies van oorsprong: Mæssanwyrth, wat beteken "Mæssa se werf'. Marsworth is vir die eerste keer in die testament van Aelfgyfu (voor 975) genoem wat sê dat dit aan Edgar die Vreedsame toegestaan is, wat dit op sy beurt bemaak het aan St Etheldreda se Kerk, wat aan die Biskoppe van Ely behoort het, en dit het later aan Brictric, 'n kneg van Eduard die Belyder behoort.[2] Na die Normandiese Verowering is Marsworth (onder die naam Missevorde) aangeteken in die Domesday Book as die eiendom van Robert D'Oyly en is verbind aan Wallingford, 'n assosiasie wat tot in die 17de eeu voorbestaan het. Die huurders in hierdie tyd was die Bassett-gesin en die land is tussen ses susters opverdeel. Deur hulle huwelike het die landgoed oorgegaan aan die Goldingtons en in hierdie tyd word dit aangeteken as "Marsworth with Goldringtons".
Teen 1319 is daar rekords wat wys dat daar nog verskeie eienare wat verskeie dele van Marsworth bestuur het, insluitend 'n afstammeling van Isabel Bassett, John de Beauchamp, die heer van die Manor by Hawridge. Dit is die eerste aanduiding van 'n konneksie tussen Marsworth en die losstaande manor, of Hawridge, wat moontlik daarop gemik is om woud en somerweiding op die heuwel vir die landgoed oor die smal landengte van Hertfordshire.
Daar was verbindings tussen 'n ander landgoed in Marsworth en die Savoy-paleis in Londen, aan wie die Boughton-gesin dit in 1514 ter ere van Hendrik III toegestaan het. Dit het sedertdien 'n skenking aan St Thomas's Hospitaal geword en in 1876 is dit deur William Brown van Tring verruil vir grond in Essex.
Daar is sedert die 12de eeu rekords van 'n kerk in Marsworth. All Saints Kerk is in die 14de en 15de eeue uitgebrei. Ten spyte van verdere herstelwerk in die eerste deel van die 19de eeu, was die kerk teen 1880 in 'n haglike toestand, en die nuut aangestelde predikant, Rev. F. W. Ragg het met hulp van die gemeente die kerk oor die volgende 25 jaar gerestoureer.
Marsworth vandag
Die konstruksie van die Grand Union Canal in 1929, wat deur die sentrum van Marsworth vloei, het nuwe geleenthede gebring, en die dorp het gevolglik uitgebrei. Binne die gemeentegrens van Marsworth, suidwaarts van die middedorp waar die kanaal die Onderste Icknieldweg kruis, is die dorpie van Startop's End. Tydens bouwerk in 2010 is meer as 40 lyke in ongemerkte grafte ontdek, wat daarna weer begrawe is.
Drie van die vier Tring-reservoirs is naby die dorp, en een van hulle word Marsworth-reservoir genoem.
Verwysings
- ↑ Neighbourhood Statistics 2011 Census, Accessed 3 Februarie 2013
- ↑ "Marsworth". British History Online (in Engels). Geargiveer vanaf die oorspronklike op 24 Augustus 2017. Besoek op 20 Oktober 2017.