Will Smith
Will Smith | |
![]() | |
Will Smith in 2019.
| |
Geboortenaam | Willard Carroll Smith jr. |
---|---|
Geboorte | 25 September 1968 Philadelphia, Pennsilvanië, Verenigde State |
Nasionaliteit | Amerikaans |
Lewensmaat | Jada Pinkett Smith |
Kinders | Jaden Smith en Willow Smith |
Beroep(e) | Akteur, vervaardiger, rapper, liedjieskrywer |
Aktiewe jare | 1985–tans |
Webwerf | www.willsmith.com |
Internet-rolprentdatabasis-profiel |
Willard Carroll "Will" Smith jr.[1][2] (geb. 25 September 1968)[1] is ’n Amerikaanse akteur, vervaardiger, rapper en liedjieskrywer. Hy het sukses behaal in televisie, rolprente en musiek. Die tydskrif Newsweek het hom in April 2007 "die magtigste akteur in Hollywood" genoem.[3] Hy is al vir vyf Golden Globes en twee Oscars benoem en het al vier Grammys gewen.
In die laat 1980's het Smith redelike sukses behaal as ’n rapper onder die naam The Fresh Prince. In 1990 het sy gewildheid aansienlik toegeneem toe hy in die gewilde TV-reeks The Fresh Prince of Bel-Air speel. Dit het ses seisoene beleef (1990–'96). Daarna het Smith in rolprente begin speel en eindelik in verskeie lokettreffers verskyn. Hy is die enigste akteur waarvan agt agtereenvolgende rolprente meer as $100 miljoen in Amerika gemaak het en elf agtereenvolgende prente internasionaal meer as $150 miljoen.[4]
Volgens Forbes is Smith die akteur wat wêreldwyd die meeste geld maak.[5] In 2014 het 17 van die 21 rolprente waarin hy hoofrolle vertolk het, wêreldwyd reeds meer as $100 miljoen elk gemaak – vyf daarvan meer as $500 miljoen elk. Sy films het teen dié tyd $6,6 miljard laat inrol.[6] Hy is vir ’n Oscar vir beste akteur benoem vir Ali en The Pursuit of Happyness.
Hy is getroud met Jada Pinkett Smith. Uit hierdie huwelik word Jaden en Willow Smith gebore.
By die 2022 Oscar-toekenningseremonie het Smith 'n openbare terugslag ondervind omdat hy die Oscar-aanbieder Chris Rock geklap en op hom geskree het nadat Rock 'n grap gemaak het met verwysing na Smith se vrou. Smith het daarna uit die Akademie bedank en is vir tien jaar verbied om alle Akademie-funksies, insluitend die Oscars, by te woon.[7]
Vroeë lewe
[wysig | wysig bron]Smith is in Philadelphia gebore as die seun van Willard Carroll Smith sr., ’n ingenieur, en Caroline (geb. Bright), ’n skoolkommissie-administrateur. Hy het in die Wynnefield-buurt van Philadelphia grootgeword.[8] Hy is een van vier kinders. Sy ouers is uitmekaar toe hy 13 jaar oud was,[9] maar is eers omstreeks 2000 geskei.[10]
Loopbaan
[wysig | wysig bron]Vroeë werk
[wysig | wysig bron]![](https://upload.wikimedia.org/wikipedia/commons/thumb/8/84/Will_Smith_-_Emmy_Awards_1993.jpg/200px-Will_Smith_-_Emmy_Awards_1993.jpg)
![](https://upload.wikimedia.org/wikipedia/commons/thumb/f/f4/Nobel_Peace_Price_Concert_2009_Will_Smith_and_Jada_Pinkett_Smith_with_children1.jpg/200px-Nobel_Peace_Price_Concert_2009_Will_Smith_and_Jada_Pinkett_Smith_with_children1.jpg)
Smith was die hoofbestuurder van die hip-hop-groep DJ Jazzy Jeff & The Fresh Prince, saam met sy kindervriend Jeffrey "DJ Jazzy Jeff" Townes[11] en Ready Rock C (Clarence Holmes). Hulle het snaakse, radiovriendelike musiek gemaak soos "Parents Just Don't Understand" en "Summertime",[11] en het in 1988 die eerste Grammy in die rap-kategorie gewen.[11]
In 1990 het die televisienetwerk NBC ’n kontrak met hom gesluit vir die sitkom The Fresh Prince of Bel-Air, wat oor hom gehandel het.[11] Die reeks was geslaag en was die begin van sy akteursloopbaan. Smith het hom voorgeneem om "die grootste filmster in die wêreld" te word en het die eienskappe van lokettreffers begin bestudeer.[9]
Rolprente
[wysig | wysig bron]Smith se eerste groot rolle was in die drama Six Degrees of Separation (1993) en die aksieprent Bad Boys (1995).
In 1996 het hy in Independence Day verskyn. Die rolprent was ’n reusesukses – op sy tyd die prent wat die tweede grootste inkomste gehad het in die geskiedenis. Dit het Smith as ’n gewilde akteur gevestig.[12] In 1997 het hy weer sukses behaal in die treffer Men in Black saam met Tommy Lee Jones. In 1998 het hy saam met Gene Hackman in Enemy of the State gespeel.[11]
Hy het die rol van Neo in The Matrix van die hand gewys om Wild Wild West (1999) te maak. Ondanks die teleurstelling in dié prent, het Smith gesê hy is nie jammer daaroor nie, want hy sou nie die rol van Neo so goed soos Keanu Reeves kon vertolk nie.[13] Hy het egter wel intussen erken dat sy keuse van Wild Wild West ’n fout was.[14]
In Desember 2007 het Smith in die rolprent I Am Legend gespeel. Dit het die grootste sukses behaal van enige fliek wat in Desember in Amerika uitgereik is en volgens een resensent het dit Smith se status as ’n trekpleister by die loket in Hollywood gevestig."[15] In 2008 speel Smith in sy eie superheldfliek, Hancock.[16]
Hy en sy seun, Jaden, het saam in twee produksies opgetree: die 2006-biografiedrama The Pursuit of Happyness en die wetenskapsfiksieprent After Earth, wat op 31 Mei 2013 uitgereik is. In 2015 was hy in die romantiese drama Focus. Dit is op 27 Februarie 2015 uitgereik.[17]
Persoonlike lewe
[wysig | wysig bron]Smith is in 1992 met Sheree Zampino getroud. Hulle het 'n seun, Trey, wat op 11 November 1992 gebore is,[18] en hulle is in 1995 geskei.
In 1997 is hy met die aktrise Jada Koren Pinkett getroud. Hulle het twee kinders: Jaden (1998) en Willow (2000). Die gesin woon in Los Angeles, Kalifornië.[19]
Smith het dikwels die tydskrif Fortune se lys gehaal van die 40 rykste Amerikaners onder die ouderdom van 40.
Diskografie
[wysig | wysig bron]
Saam met DJ Jazzy Jeff
|
Solo
|
Filmografie
[wysig | wysig bron]- Where the Day Takes You (1992)
- Made in America (1993)
- Six Degrees of Separation (1993)
- Bad Boys (1995)
- Independence Day (1996)
- Men in Black (1997)
- Enemy of the State (1998)
- Wild Wild West (1999)
- The Legend of Bagger Vance (2000)
- Ali (2001)
- Men in Black II (2002)
- Bad Boys II (2003)
- I, Robot (2004)
- Shark Tale (2004)
- Hitch (2005)
- The Pursuit of Happyness (2006)
- I Am Legend (2007)
- Hancock (2008)
- Seven Pounds (2008)
- Men in Black 3 (2012)
- After Earth (2013)
- Winter's Tale (2014)
- Focus (2015)
- Concussion (2015)
- Suicide Squad (2016)
Verwysings
[wysig | wysig bron]- ↑ 1,0 1,1 "Will Smith Biography (1968-)" (in Engels). FilmReference.com. Geargiveer vanaf die oorspronklike op 10 September 2019. Besoek op 3 Augustus 2015.
- ↑ "The Fresh Prince of Late Night". The Arsenio Hall Show. 1993. https://www.youtube.com/watch?v=ZwH6tXG_0yo. 4:50 minutes in.
- ↑ Sean Smith (9 April 2007). "The $4 Billion Man". Newsweek. Besoek op 7 Julie 2011.
- ↑ "Weekend Estimates: 'Hancock' Delivers $107M 5-Day Opening, Giving Will Smith a Record Eighth Consecutive $100M Grossing Movie!; 'WALL-E' with $33M 3-Day; 'Wanted' Down 60 Percent for $20.6M; 'Kit Kittredge' a Disaster!". Fantasy Moguls. 3 Julie 2008. Geargiveer vanaf die oorspronklike op 6 Julie 2008. Besoek op 7 Julie 2008.
- ↑ "Top Actors and Actresses: Star Currency". Forbes. Geargiveer vanaf die oorspronklike op 20 Desember 2013. Besoek op 20 Mei 2014.
- ↑ Will Smith Movie Box Office Results
- ↑ "The Academy bans Will Smith for 10 years for Chris Rock slap". NPR. Besoek op 28 Mei 2022.
- ↑ Schuman, Michael (1 Januarie 2013). Will Smith: A Biography of a Rapper Turned Movie Star. Enslow Publishers, Inc. pp. 9–10. ISBN 978-0-7660-3994-0.
- ↑ 9,0 9,1 Rebecca Winters Keegan (29 November 2007). "The Legend of Will Smith". Time (in Engels). Geargiveer vanaf die oorspronklike op 24 Augustus 2013.
- ↑ "Will Smith". James Lipton (producer). Inside the Actors Studio (Bravo). 2002-01-13. https://www.youtube.com/watch?v=UdaiFOFfeTQ. Besoek op 24 Augustus 2015. No. 806, season 8.
- ↑ 11,0 11,1 11,2 11,3 11,4 Inside the Actors Studio, 2002
- ↑ "Independence Day". Box Office Mojo. Geargiveer vanaf die oorspronklike op 28 Julie 2019. Besoek op 24 Julie 2011.
- ↑ "Smith has no Matrix Regrets" (in Engels). Contactmusic.com. Geargiveer vanaf die oorspronklike op 23 April 2009. Besoek op 23 Junie 2010.
- ↑ O'Toole, Lesley. "Will Smith: The Total Film Interview", Total Film, Februarie 2009, uitg. 151, ble. 120-125, Future Publishing Ltd., Londen, Engeland.
- ↑ Gitesh Pandya (16 Desember 2007). "Box Office Guru Wrapup: Will Smith Rescues Industry With Explosive Opening For I Am Legend". Rotten Tomatoes. Geargiveer vanaf die oorspronklike op 3 Junie 2008. Besoek op 17 Desember 2007.
- ↑ "There May Never Be Another Movie Star As Big As Will Smith". Vulture (in Engels). Geargiveer vanaf die oorspronklike op 5 Januarie 2020. Besoek op 28 September 2015.
- ↑ "Warner Bros Sets 2015 Release Dates For 'Run All Night', 'Man From U.N.C.L.E.' And 'Focus'".
- ↑ Smith, Will (11 November 2013). "Happy 21st bday Trey". Facebook.
- ↑ "Will Smith" (in Engels). Forbes. Geargiveer vanaf die oorspronklike op 17 April 2020.
Verdere leesstof
[wysig | wysig bron]- Iannucci, Lisa (2009). Will Smith: A Biography. Greenwood. ISBN 0-313-37610-7.
Eksterne skakels
[wysig | wysig bron]- Will Smith in die Internet-rolprentdatabasis
Wikimedia Commons het meer media in die kategorie Will Smith.
Hierdie artikel is vertaal uit die Engelse Wikipedia