Sakdoek
![](https://upload.wikimedia.org/wikipedia/commons/thumb/5/59/Grey_and_navy_suit_on_mannequin.jpg/220px-Grey_and_navy_suit_on_mannequin.jpg)
'n Sakdoek is 'n klein lapdoek, tipies 'n omsoomde vierkantige dun stof wat (opgevou) in die broeksak of beursie gedra kan word. Dit word gebruik vir persoonlike higiëne bv. om sweet van 'n mens se hande of gesig af te vee, of om 'n mens se neus in te blaas. 'n Sakdoek word soms ook as 'n suiwer dekoratiewe item in die bo-sak van 'n pak klere gedra.
![](https://upload.wikimedia.org/wikipedia/commons/thumb/2/2c/Handkerchief.jpg/220px-Handkerchief.jpg)
Moderne gebruik
Die materiaal van 'n sakdoek kan simbolies wees van die sosiale-ekonomiese klas van die gebruiker, nie net omdat sommige materiaal duurder is nie, maar omdat sommige materiale meer absorberend en prakties is vir diegene wat 'n sakdoek gebruik vir meer as net styl. Sakdoeke kan gemaak word van katoen, katoen-sintetiese mengsel, sintetiese stof, sy of linne.
Historiese gebruik
Sakdoeke is ook deur veral kinders gebruik as 'n vinnige manier om klein items te dra wanneer 'n sak of mandjie nie beskikbaar was nie. Hulle kan ook dien as 'n plaasvervanger vir 'n verband oor 'n klein besering. In die Verenigde Koninkryk was die gewoonte, veral op strande, om 'n sakdoek op die kop te dra met die hoeke vasgebind om die kop. Seine kan ook gestuur word met 'n sakdoek, soos die Amerikaanse LGBT sakdoekkode. Tydens Spaanse sokker of stiergevegte, is dit 'n algemene gesig om ondersteuners te sien wat wit sakdoeke waai, as 'n uitdrukking van hul diepe emosie. Dit kan dui op beide positiewe gebruik, in bewondering van 'n uitsonderlike prestasie deur 'n span of speler, of as 'n negatiewe teken van afgryse op 'n besonderse slegte prestasie.
Die sellulose bedryf
- Die sneesdoekie, gevou, en hoe dit ontvou het.
Die snesie het in 1924 ontstaan, nie-wasbaar, wegdoenbaar en 'n meer higiëniese sakdoekie, wat nou deel is van die "weggooi"-era.
- Kleenex
Sedert 1924 word die Kleenex ® (handelsmerk) deur Kimberly-Clark vervaardig: Dit is 'n stukkie baie sagte papier wat vir die verwydering van grimmering gebruik was. ("Kleenex" is die Engelse fonetiese kombinasie van "reiniging" - "skoonmaak" - en "ex" wat kom van "Kotex", 'n vorige produk van die maatskappy). Maar rondom 1926 het die maatskappy tot die besef gekom dat verbruikers eerder "Kleenex" gebruik om hulle neuse in te blaas. Dit was eers in 1930 dat die produk begin bemark is as 'n wegdoenbare sakdoek.
- Japan
Pakkies met snesies in Japan is as klein sakkies gevorm wat steeds soos die eerste pakkies snesies lyk wat na Japan ingevoer is. Daarna het die Japannese pakkies nie in dieselfde mate ontwikkel as die Weste s'n met 'n kubieke of reghoekige vorm met 'n taai plakker vir sluiting nie. Verder is die snesies in hierdie pakkies wyer en dikwels dunner as in Europa, en anders gevou. Miskien vind die Franse-gewoonte lapsakdoek 'n mate van soliditeit met die wegdoenbare sakdoek, vir moontlike hergebruik. Die lapsakdoek is feitlik afwesig in al die Japanse gewoontes, behalwe vir gebruik tydens snoei- en oestyd: lapdoeke om die voorkop mee af te vee (of ander higiëniese gebruik) is 'n redelik algemene gebruik. 'n Snesie word ook in Japan gebruik vir enige afveedoel of as sponsie, wanneer 'n lappie ontbreek. Daarbenewens weet die Japannese nie regtig wat 'n lapsakdoek is nie, hulle verwar ook soms 'n snesie met die restaurantservet; aangesien beide wegdoenbaar en van dieselfde grootte is, kan 'n mens die een met die ander vervang per geleentheid.
- Hierdie artikel is grootliks vertaal uit die Franse Wikipedia