12de eeu v.C.
(Aangestuur vanaf 1155 v.C.)
.jpg)
Die 12de eeu v.C. het geduur van 1200 tot 1101 v.C.
Gebeure
[wysig | wysig bron]- 1194 v.C.: Die begin van die legendariese Trojaanse Oorlog.
- 1191 v.C.: Menestheus, die legendariese koning van Athene, sterf ná ’n bewind van 23 jaar tydens die Trojaanse Oorlog en word opgevolg deur sy nefie Demophon, ’n seun van Theseus.
- 1186 v.C.: Einde van die 19de Dinastie van Egipte. Die begin van die 20ste Dinastie.
- 24 April – 1184 v.C.: Die tradisionele datum vir die val van Troje en die einde van die Trojaanse Oorlog in die Griekse mitologie.
- 16 April – 1178 v.C.: ’n Sonsverduistering dui die terugkeer aan van Odusseus, die legendariese koning van Ithaca, na sy koninkryk ná die Trojaanse Oorlog.
- 1160 v.C.: Farao Ramses V sterf.
- 1159 v.C.: Die Hekla 3-uitbarsting lui ’n 18 jaar lange periode van slegte klimaatstoestande in.
- Omstreeks 1154 v.C.: Koning Menelaus van Sparta sterf.
- Omstreeks 1154 v.C.: Die dood van die verbanne koningin Helena van Sparta by Rhodos.
- Omstreeks 1150 v.C.: Die einde van Egiptiese heerskappy in Palestina.
- 1147 v.C.: Demophon van Athene sterf ná ’n bewind van 33 jaar en word opgevolg deur sy seun Oxyntes.
- 1137 v.C.: Ramses VII begin sy bewind as die sesde heerser van die 20ste Dinastie van Egipte.
- 1135 v.C.: Oxyntes van Athene sterf ná ’n bewind van 12 jaar en word opgevolg deur sy seun Apheidas.
- 1134 v.C.: Apheidas van Athene sterf ná ’n bewind van ’n jaar in ’n sluipmoordaanval en word opgevolg deur sy jonger broer Thymoetes.
- 1126 v.C.: Thymoetes van Athene sterf ná ’n bewind van agt jaar en word opgevolg deur Melanthus.
- 1122 v.C.: Legendariese stigtingsdatum van die stad Pyongyang.
- Omstreeks 1120 v.C.: Die vernietiging van Troje VIIb1.
- 1115 v.C.: Tiglath-Pileser I word koning van Assirië.
- Omstreeks 1100 v.C.: Egipte se Nuwe Ryk kom tot ’n einde.
