Alawiete
Alawiete | |
---|---|
![]() Zulfiqar, 'n gestileerde voorstelling van die swaard van Ali, 'n belangrike simbool vir Alawiete | |
Totale bevolking: | ca. 4 miljoen (2012)[1][2] |
Belangrike bevolkings in: | ![]()
|
Taal: | Arabies, Turks |
Geloofsoortuiging: | Alawiete, Twaalfer-Sjiisme |
Verwante etniese groepe: |
Die Alawiete (علويون, DMG-transliterasie:[10] ʿAlawīyūn) of Nusairiërs (نصيريون Nuṣairiyūn) is 'n godsdienstige gemeenskap in die Nabye Ooste wat sy oorsprong in laat 9de eeuse Irak het en dikwels by die Sjiïetiese spektrum van Islam gereken word, al volg hulle afwykende geloofsoortuigings en erken onder meer Imam Ali as 'n inkarnasie van God. Hulle moenie verwar word met Turkse en Koerdiese Aleviete nie, 'n geloofsgemeenskap wat in die sogenaamde Kizilbasj-tradisie staan. Soms word na Alawiete as 'n Gnostiese gemeenskap in Islam verwys. Een van die besonderhede van hul geloof is dat religieuse oortuigings geheim gehou word. 'n Klein groep ingewydes tree as godsdienstige leiers op.[11]
![](https://upload.wikimedia.org/wikipedia/commons/thumb/b/b1/Alawite_Distribution_in_the_Levant.png/220px-Alawite_Distribution_in_the_Levant.png)
![](https://upload.wikimedia.org/wikipedia/commons/thumb/a/a3/Celebrating_Alawites.jpg/220px-Celebrating_Alawites.jpg)
Die meeste aanhangers van Alawitiese Islam word tans in Sirië, Turkye en Libanon aangetref. Die tradisionele kerngebied van Alawitisme strek van die Turkse provinsie Hatay in die noorde suidwaarts oor die Siriese kusgebergte Djebel Ansariye tot die Akkar-vlakte van Noord-Libanon. In die ooste word dit deur die Orontes-rivier begrens. In Hatay word Alawitiese gemeentes hoofsaaklik in en rondom Antakya en Samandağ asook in die kusvlakte van İskenderun aangetref.
Buite dié gebied is daar ook Alawitiese nedersettings in die Siriese binneland, in die gebiede rondom die goewermente van Hama en Homs en op die Golanhoogtes asook in die Turkse Çukurova-vlakte (Kilikië) in en rondom Mersin, Tarsus en Adana. As gevolg van binnelandse en migrasie oor grense heen het in die 20ste eeu ook Alawitiese gemeentes in Damaskus, in die Libanese stad Tripoli en in verskeie westerse lande ontstaan. Daar is geen presiese statistieke oor die aantal aanhangers van Alawitisme nie. Na ramings is daar sowat vier miljoen Alawiete wêreldwyd.
Alawiete hou verskeie herdenkings soos:
- Eid-oel-Fiter, Eid-oel-Adha en die nag in die middel van die maand Sja'ban as Islamitiese vieringe,
- die Ghadir-fees op 18 Dhu'l Hidjdja ter herdenking van die deur die Sjiiete aanvaarde instelling van Ali deur Mohammed by Ghadir Chumm, die Mubahala-fees, die Firāsj-fees, Asjoera en die herdenking van die moord op Oemar ibn al-Chattab as Sjiitiese feeste,
- die Christelike Kers- en Paasfeeste,[12][13]
- Nouruz en Mehrgan as Persiese feeste,
- en 17 Maart as Nusairitiese fees, ter herdenking van 'n wonderwerk, wat Hasan al-ʿAskarī met die hul van Bāb Muhammad ibn Nusair kon doen.[14]
Verwysings
[wysig | wysig bron]- ↑ "Syria's Alawites Under Siege" (in Engels). Al-Monitor. 4 Januarie 2013. Geargiveer vanaf die oorspronklike op 9 Oktober 2019. Besoek op 12 Junie 2016.
- ↑ "The War Nerd: Doing the math on Alawite casualty numbers" (in Engels). Pando. 23 Mei 2015. Geargiveer vanaf die oorspronklike op 9 Oktober 2019. Besoek op 12 Junie 2016.
- ↑ (en) Tej K. Bhatia; William C. Ritchie (23 Januarie 2006). Bhatia, Tej K.; Ritchie, William C. (reds.). The Handbook of Bilingualism (illustrated, reprint uitg.). John Wiley & Sons. p. 859. ISBN 978-0-631-22735-9.
- ↑ "The 'secretive sect' in charge of Syria" (in Engels). BBC. 17 Mei 2012. Geargiveer vanaf die oorspronklike op 28 April 2020. Besoek op 12 Junie 2016.
- ↑ Soner Cagaptay (9 April 2013). "Why Turkey Won't Attack Syria". The Atlantic (in Engels). Geargiveer vanaf die oorspronklike op 18 Maart 2020. Besoek op 12 Junie 2016.
- ↑ "Syria strife tests Turkish Alawites" (in Engels). 22 Oktober 2012. Geargiveer vanaf die oorspronklike op 23 April 2019. Besoek op 12 Junie 2016.
- ↑ (en) http://www.repost.us/article-preview/#!hash=0467cbf01990a23ab00bfe1a45696310 Geargiveer 6 Augustus 2012 op Wayback Machine
- ↑ "Lebanese Allawites welcome Syria's withdrawal as 'necessary'". The Daily Star (in Engels). 30 April 2005. Geargiveer vanaf die oorspronklike op 31 Mei 2019. Besoek op 12 Junie 2016.
- ↑ (en) "Lebanon's Alawi: A Minority Struggles in a 'Nation' of Sects". Al Akhbar English. 8 November 2011. Besoek op 12 Junie 2016.
- ↑ Transliterasie van die Arabiese na die Latynse alfabet volgens die riglyne van die Deutsche Morgenländische Gesellschaft (DMG)
- ↑ L.I.S.A. - Das Wissenschaftsportal der Gerda Henkel Stiftung: Alawiten, Aleviten oder Nusairier? Besoek op 12 Junie 2016
- ↑ Welt am Sonntag': welt.de 3 April 2016, besoek op 9 April 2016.
- ↑ Rudolf Fischer 1988, bl. 52.
- ↑ Friedman 152–170.
Eksterne skakels
[wysig | wysig bron]![]() |
Wikimedia Commons bevat media in verband met Alawiete. |
- (en) "NOṢAYRIS". Encyclopædia Iranica. Besoek op 23 Augustus 2019.
- (en) "ʿAlawite". Encyclopædia Britannica. Besoek op 23 Augustus 2019.