Bulterriër

Die Bulterriër is 'n honderas wat 'n kruising is tussen die buldog en verskillende andere honderasse, soos die inmiddels uitgestorwe White English terrier.

Geskiedenis

Die bulterriër, soos dit deesdae bekend staan, het omstreeks 1860 in Engeland ontstaan. Deur buldogs of bulmastiffs met terriërs te kruis ontstaan daar 'n klein, vinnige, ratse, maar tog sterke veghond, wat aanvanklik "Bull-and-Terrier" genoem is.

Uiterlik

Die bulterriër is 'n gespierde, kragtiggeboude hond, dit word ook 'die gladiator onder die honde' genoem. Die dier het 'n sterk uiterlike en 'n diep, breë bors. Kenmerkend van die ras is die eiervormige kop. Vanaf die agterkop tot by die neuspunt loop die skedel afbollend na onder, die ekstra sterke, neerwaartse welving van die voorste helfte van die snoet is beduidend. Die ore is klein, dun en staan altyd regop. Die oë is versonke in hul kaste en is driehoekig. Hulle is diepbruin of swart van kleur; ligte oë is nie gewens nie. Die vag is kort en glad en het min 'los' vel.

Kleure

Die bulterriër kom in verskillende kleure voor. By wit honde is gekleurde vlekke nie gewens nie, behalwe aan die kop. By gekleurde honde moet die hoofkleur die grootste oppervlakte van die vag uitmaak; dit kan swart, gestreep, rooibruin, ligbruin of swart-en-taan wees. Blou en lewerkleur kom nie juis voor nie.