Dwelmtsaar

Dwelmtsaar (Engels: drug czar) is 'n informele term vir die persoon wat die hoof van die dwelmbeheerbeleid in verskeie gebiede is. Dit volg die informele gebruik van die term "tsaar" in die VSA se politiek. Dit is in 1982 die eerste keer gebruik in 'n nuusberig deur United Press International, wat berig het "senatore ... het 62-34 gestem om 'n "dwelmtsaar" aan te stel wat algeheel verantwoordelik vir die VSA se dwelmbeleid is". Sedertdien is verskeie ad hoc- uitvoerende poste in beide die VSA en Verenigde Koninkryk so genoem.

Verenigde State van Amerika

Dwelmtsaar Gil Kerlikowske praat met die personeel en pasiënte by die Covenant House in Amerika wat dwelmverslaafde tieners en volwassenes help.

Die VSA se eerste dwelmtsaar was Harry J. Anslinger, wat van 1930 tot 1962 gedien het as die eerste kommissaris van die Federale Narkotikaburo, wat deur die Tesourieraad geskep is. Dit was tydens die administrasie van vyf presidente: Hoover, Roosevelt, Truman, Eisenhower en Kennedy.

Pogings onder Anslinger om wetgewing in te stel om dagga te verbied, het die volgende ingesluit: 'n poging om ander state sover te kry om soortgelyke dwelmwette aan te neem, die Uniform State Narcotic Drug Act en die Marijuana Tax Act of 1937, wat in effek die dwelm gekriminaliseer en die weg berei het vir ’n daggaverbod.

Nixon- en Ford-administrasies

• Jerome Jaffe, hoof van die Spesiale Kantoor vir die Voorkoming van Dwelmmisbruik
• Myles Ambrose, hoof van die Kantoor vir Wetstoepassing op Dwelmmisbruik (ODALE)
• Robert DuPont, direkteur van die Nasionale Instituut vir Dwelmmisbruik en hoof van die Narkotikabehandelingsadministrasie

Carter-administrasie

• Peter Bourne, direkteur van die Nasionale Dwelmbeheerbeleid
• Mathea Falco, assistentminister van buitelandse sake belas met internasionale dwelms

Reagan-administrasie

• Carlton Turner, direkteur van die Kantoor vir Beleid oor Dwelmmisbruik
• D. Ian McDonald, adjunkassistent van die president belas met die Kantoor vir Beleid oor Dwelmmisbruik

1988–vandag

• Die direkteur van die Kantoor vir Nasionale Beleid oor Dwelmbeheer

Trump-administrasie

• (Opioïed-tsaar): Die voorsitter van die Opioïed-en-dwelmmisbruikkommissie. In Maart 2017 is aangekondig dat die goewerneur van New Jersey, Chris Christie, aangestel is as die hoof van die kommissie.

Verenigde Koninkryk

In die Verenigde Koninkryk is na Keith Hellawell, voormalige dwelmadviseur vir die Arbeidsregering van Tony Blair, as 'n dwelmtsaar verwys.

Eksterne skakels

• Senatore moedig Obama aan om 'n konsekwente boodskap oor dagga uit te dra Fresno Bee, 29 Julie, 2014