Glukose

**Eienskappe**
Algemeen
Naam	D-(+)-glukose
Ander name	Dekstrose^[1]
Struktuurformule van D-(+)-glukose
Chemiese formule	C₆H₁₂O₆^[1]
Molêre massa	180,16 [ g/mol]^[1]
CAS-nommer	50-99-7^[1]
Voorkoms	kleurlose vastestof^[1]
Reuk	reukloos^[1]
Fasegedrag
Selkonstantes	a=1036(2); b=1484(2); c=497(2)pm (αあるふぁ-D-glukose) ^[2] a=929(4); b=1265(2); c=670(2) pm (βべーた-D glukose)^[3]
Ruimtegroep	P2₁2₁2₁^[3]^[2]
Nommer	19
Smeltpunt	150-152 °C^[1]
Kookpunt	(ontbind)
Digtheid	1,520 [g/cm³]^[3]
Oplosbaarheid	470 [g/L] @ 20 °C^[1]
Suur-basis eienskappe
pKa
Veiligheid
Flitspunt
LD₅₀	25 800 mg/kg (oraal, rot)
Tensy anders vermeld is alle data vir standaardtemperatuur en -druk toestande.

Portaal Chemie

Glukose is 'n heksose, 'n eenvoudige suiker. Die formule vir glukose is C₆H₁₂O₆. Glukose word gesintetiseer via 'n biochemiese roete genaamd fotosintese. Gedurende fotosintese bind koolstofdioksied en water saam m.b.v. energie wat vanaf sonlig verkry word. Fotosintese vind in die chloroplaste van groen plante plaas.^[4]

Strukture

In water kom die glukosemolekule in 'n ewewig tussen drie vorms voor: die ringvormige βべーた-D-glukose, die oop aldose-ketting en die ringvormige αあるふぁ-D-glukose. Die oop ketting het 'n aldehied-funskionele groep. Die piranoseringe is halfasetale.

Die kristalstruktuur van αあるふぁ-D-glukose is in 1952 deur McDonald en Beevers gepubliseer. Dit bestaan uit 'n piranosering in die Sachse-Mohr trans-vorm. Dit kristalliseer in 'n ortorombiese struktuur met ruimtegroep P2₁2₁2₁.^[2]

Die kristalstruktuur van βべーた-D-glukose is in 1963 deur W.G. Ferrier bepaal. Die bestaan uit 'n piranosering wat se substituente almal ekwatoriaal is. Dit is kristalliseer in 'n ortorombiese struktuur met dieselfde ruimtegroep P2₁2₁2₁ maar die eenheidsel is anders.^[3]

Eienskappe

Glukose is 'n monosakkaried wat normaalweg beskikbaar is as die αあるふぁ-D-glukose monohydraat, 'n kristallyne produk wat wit tot kleurlose kristalle vorm. Watervrye αあるふぁ-D-glukose en ook βべーた-D glukose is van baie beperkte belang. Die smeltbereik van αあるふぁ-D-glukosemonohidraat is 83°C terwyl die watervrye stof by 146°C smelt. Die spesifieke rotasies is: αあるふぁ-D-glukose is [αあるふぁ]20D: +112.2°, βべーた-D-glukose [αあるふぁ]20D: +18.7°. In waterige oplossing vind mutarotasie plaas wat lei tot 'n ewewig van [αあるふぁ]20D: +52.5°. Die oplosbaarheid van glukose is laer as die oplosbaarheid van sukrose. Wanneer dit opgelos word, het glukose 'n verkoelende effek as gevolg van sy negatiewe oplossingshitte van -105.5 [kJ/kg]. Glukose is 'n reduserende suiker en ondergaan karamelisering en Maillard-reaksies.^[5]

Biologiese rol

D-glukose is alomteenwoordig van aard in die biologie. Dit is 'n algemene bestanddeel van soet vrugte en heuning en is ook 'n bousteen van polisakkariede soos stysel en sellulose. Glukose is die belangrikste substraat vir die energiemetabolisme van selle. Die senuweestelsel, bloedselle en sommige ander dele van die menslike liggaam is streng afhanklik van glukose as energiebron.^[5]

Die enantiomeer L-glukose is die spieëlbeeld van die D-molekule. Dit kan sinteties in die laboratorium vervaardig word maar speel nouliks 'n biologiese rol. Die meeste organismes kan dit nie verteer en as energiebron gebruik nie.

Medies

Die tipiese vasvlak in menslike bloed is 600-1000 [mg/L].^[5]

Gebruike

Dekstrose, wat die kommersiële naam vir d-glukose is, is beskikbaar as die monohidraat of as watervrye kristalle, 'n mikrokristallyne produk, en in 'n geagglomereerde vorm. 'n 90–95 DE glukosestroop bevat veral d-glukose. Die soetheid van d-glukose is 70%–80% dié van 'n gelyke konsentrasie per gewig van sukrose. Toepassings van dekstrose sluit in bak, brou en inmaak. Dit word ook as 'n bestanddeel in gebak, droë mengsels en voorbereide vleis gebruik. Dit is die beginmateriaal vir die vervaardiging van sorbitol en askorbiensuur (vitamien C)^[6]

Verwysings

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 "sds". Sigma Aldrich.
↑ ^2,0 ^2,1 ^2,2 McDonald, T.R.R. and Beevers, C.A. (1952). "The crystal and molecular structure of αあるふぁ-glucose". Acta Cryst. 5: 654–659. doi:10.1107/S0365110X52001787.{{cite journal}}: AS1-onderhoud: gebruik authors-parameter (link)
↑ ^3,0 ^3,1 ^3,2 ^3,3 W.G. Ferrier (1963). "The crystal and molecular structure of βべーた-D-glucose". Acta Crys. 16: 1023.
↑ Malmberg se Biologiehandboek: Biologie voor jou. Havo/Vwo, Nederland.
↑ ^5,0 ^5,1 ^5,2 G.-W. von Rymon Lipinski (2006). 10 - Reduced-calorie sweeteners and caloric alternatives; in Woodhead Publishing Series in Food Science, Technology and Nutrition, Optimising Sweet Taste in Foods. Woodhead Publishing. pp. 252–280. doi:10.1533/9781845691646.2.252. ISBN 9781845690083.
↑ James N. BeMiller (2019). 19 - Carbohydrate and Noncarbohydrate Sweeteners; in: Carbohydrate Chemistry for Food Scientists (Third Edition). AACC International Press. pp. 371–399. doi:10.1016/B978-0-12-812069-9.00019-4. ISBN 9780128120699.

[SA-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 "sds". Sigma Aldrich.

[McD-2] 2,0 ^2,1 ^2,2 McDonald, T.R.R. and Beevers, C.A. (1952). "The crystal and molecular structure of αあるふぁ-glucose". Acta Cryst. 5: 654–659. doi:10.1107/S0365110X52001787.{{cite journal}}: AS1-onderhoud: gebruik authors-parameter (link)

[Ferr-3] 3,0 ^3,1 ^3,2 ^3,3 W.G. Ferrier (1963). "The crystal and molecular structure of βべーた-D-glucose". Acta Crys. 16: 1023.

[4] Malmberg se Biologiehandboek: Biologie voor jou. Havo/Vwo, Nederland.

[Rymon-5] 5,0 ^5,1 ^5,2 G.-W. von Rymon Lipinski (2006). 10 - Reduced-calorie sweeteners and caloric alternatives; in Woodhead Publishing Series in Food Science, Technology and Nutrition, Optimising Sweet Taste in Foods. Woodhead Publishing. pp. 252–280. doi:10.1533/9781845691646.2.252. ISBN 9781845690083.

[6] James N. BeMiller (2019). 19 - Carbohydrate and Noncarbohydrate Sweeteners; in: Carbohydrate Chemistry for Food Scientists (Third Edition). AACC International Press. pp. 371–399. doi:10.1016/B978-0-12-812069-9.00019-4. ISBN 9780128120699.

[1]

[2]

[3]

[4]

[5]

[6]