Guppie

Guppie
	Volgroeide vroulike en manlike individue.
Bewaringstatus
	; Ongeëvalueer (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata; (Cuvier, 1812)
Infrafilum:	Gnathostomata
Superklas:	Osteichthyes; (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Cyprinodontiformes
Familie:	Poeciliidae
Genus:	Poecilia
Spesie:	P. reticulata
Binomiale naam
	Poecilia reticulata; Peters, 1859
Sinonieme
	Acanthocephalus guppii; A. reticulatus; Girardinus guppii; G. petersi; G. poeciloides; G. reticulatus; Haridichthys reticulatus; Heterandria guppyi; Lebistes poecilioides; L. reticulatus; Poecilia poeciloides; Poecilioides reticulatus

Die guppie (Poecilia reticulata; Engels: guppy) is 'n varswatervis. Dit is een van die gewildste akwariumvisspesies ter wêreld. Die vis kom natuurlik voor in noordoostelike Suid-Amerika en die Karibiese Eilande. In Suider-Afrika kom dit voor in KwaZulu-Natal, die Kurumanoog en die Otjikotomeer in Namibië. Dit staan ook bekend as die miljoenvis.

Voorkoms

Die wyfie (60 mm) is groter as die mannetjie (30 mm) en die lyf is dieper en ronder as die mannetjie s'n. By die wyfie is die stertvin ook bolrond. Die mannetjie is skraler met goed ontwikkelde gonopodia. Die mannetjie se kleur wissel aansienlik het gewoonlik kombinasies van helderrooi, blou, turkoois en geel. Swart kolle en strepe kan ook voorkom. Die wyfie het 'n swart kol bokant die anus.

Habitat

Die guppie is lid van die familie Poeciliidae. Soos al die ander lede van die familie word hulle lewendig gebore (die eiers broei uit binne die wyfie); dus ovovivipaar. Hulle is ook bekend as vinnige broeiers. Die draagtydperk is 22 tot 26 dae. Die vis kan leef in vars- en brakwater. Hulle verkies egter warmer water, 23-24 °C, en benodig water met baie plantegroei in vir oorleweing. Die vis vreet muskietlarwes en klein wurms.

Trivia

Robert John Lechmere Guppy het guppies vir die eerste keer in 1866 in Trinidad ontdek. Die vissie is die eerste keer in 1912 in Gauteng en KwaZulu-Natal losgelaat as natuurlike plaagbeheer teen muskiete.

Sien ook

Eksterne skakel

http://fishbase.org/summary/Poecilia-reticulata.html