Huahine

Huahine
’n Nasa-foto van HuahineISS006-E-38879 vanuit die noorde.
Geografie
Ligging	Stille Oseaan
Koördinate	16°44′S 151°0′W
Argipel	Geselskapseilande
Hoofeilande	2
Hoogste punt	Berg Turi 699 m
Administrasie
Sien teks.
Oorsese gebied	Frans-Polinesië
Demografie
Bevolking	6 303

Huahine is ’n atol in die Benedewindse Eilande van die Geselskapseilande in Frans-Polinesië, ’n Franse oorsese gebied in die Stille Oseaan. Dit het sowat 6 300 inwoners.

Geografie

Ligging in die Geselskapseilande.

Die atol is 16 km lank en op sy breedste 13 km. Dit bestaan uit twee hoofeilande, omring deur ’n koraalrif met verskeie klein eilandjies. Huahine Nui ("Groot Huahine") lê in die noorde en Huahine Iti ("Klein Huahine") in die suide.

Die twee eilande word geskei deur water van ’n paar honderd meter breed en word met laagwater verbind deur ’n smal strook land. ’n Klein brug is ook gebou om Huahine Nui en Huahine Iti te verbind.

Noordwes van Huahine Nui is ’n brakwatermeer van 375 hektaar bekend as Lac Fauna Nui (Lac Maeva). Dit is al wat oorgebly het van die antieke atolstrandmeer.

Administrasie

Huahine is administratief deel van die Benedewindse Eilande. Dit bestaan uit die volgende munisipaliteite:

• Faie
• Fare
• Fitii
• Haapu
• Maeva
• Maroe
• Parea
• Tefarerii

Die administratiewe hoofdorp is Fare, op Huahine Nui.

Toerisme

’n Gewilde toeriste-attraksie is ’n stroom met palings wat mense kan kos gee. Op die Faahia-argeologieterrein in die noorde van die eiland is subfossieloorblyfsels van verskeie spesies uitgestorwe voëls gevind.

Bronne

• Lys van atolle Geargiveer 28 Februarie 2007 op Wayback Machine (fr)
• Amptelike webtuiste van die Tahiti-toerismeraad
• Toerismeportaal by Huahine
• Hierdie artikel is vertaal uit die Engelse Wikipedia