Ingjald
Ingjald | |
---|---|
Legendariese koning van Swede | |
Voorganger | Anund |
Opvolger | Ivar Vidfamne |
Koningshuis | Huis van Yngling |
Vader | Anund |
Oorlede | By Raening |
Eggenote | Gauthild Algautsdóttir |
Kinders | Olof Trätälja, Åsa |
Ingjald illråde of Ingjaldr hinn illráði was in die Noorse sagas 'n halflegendariese koning van Swede se Huis van Yngling. Hy was die seun en opvolger van koning Anund.[1] Ingjald word in Middeleeuse bronne soos die Ynglinga saga, Historia Norvegiæ, Hervarar saga, ens. genoem. Johannes Magnus plaas Ingjald se bewind op sy 16de-eeuse koningslys in die jaar 883 n.C.
Ynglinga saga
[wysig | wysig bron]![](https://upload.wikimedia.org/wikipedia/commons/thumb/b/b6/Konung_Ingjald_Illr%C3%A5da_br%C3%A4nner_upp_6_Fylkiskonungar_by_Hugo_Hamilton.jpg/250px-Konung_Ingjald_Illr%C3%A5da_br%C3%A4nner_upp_6_Fylkiskonungar_by_Hugo_Hamilton.jpg)
![](https://upload.wikimedia.org/wikipedia/commons/thumb/8/86/Ynglingesaga_23_Gerhard_Munthe.jpg/200px-Ynglingesaga_23_Gerhard_Munthe.jpg)
Snorri Sturluson gee 'n uitgebreide weergawe van Ingjald se lewe in sy Ynglinga saga. Anund het 'n huwelik vir sy seun gereël met Gauthild Algautsdóttir, die dogter van die Gautiese koning Algaut.
Ná Anund se dood het Ingjald koning van Swede geword. Die konings by Uppsala was die vernaamstes van die verskillende Sweedse provinsies nadat die land tussen Alarik en Erik verdeel is. Dié twee konings se afstammelinge het versprei en grondgebied ontbos om nuwe streke te skep om in te woon. Daar was dus baie minder belangrike konings.
Ter ere van sy eie afstammelinge het het Ingjald die konings na 'n fees genooi. Toe al die belangrike gaste dronk was, het Ingjald die gebou aan die brand gesteek en dié doodgemaak wat ontsnap het. Ingjald het homself toe tot enigste heerser verklaar.
Ingjald het twee kinders gehad: 'n seun, Olof Trätälja, en 'n dogter, Åsa. Sy dogter het na hom geaard en nadat sy met koning Guðröðr van Skone getrou het, het sy hom vermoor. Maar eers het sy hom sover gekry om sy broer, Halfdan, die vader van Ivar Vidfamne, te vermoor.
Om sy vader se dood te wreek het Ivar Vidfamne na Swede opgeruk. Toe Ingjald en sy dogter besef dit is vrugteloos om weerstand te bied, het hulle die saal waarin hulle was aan die brand gesteek en in die vlamme gesterf.[2] Dit was die einde van die Huis van Yngling se bewind in Swede. Olof Trätälja was 'n voorouer van die latere konings van Noorweë.[3]
Verwysings
[wysig | wysig bron]- ↑ Hans Gillingstam (1973–1975), "Ingjald Illråde", Svenskt Biografiskt Lexikon, 20
- ↑ The Ynflinga saga, or the story of the Yngling family from Odin tot Halfdan the Black. By https://www.sacred-texts.com. Besoek op 9 Junie 2022.
- ↑ Foteviken Museum – Yngling kings.
Skakels
[wysig | wysig bron]Hierdie artikel is in sy geheel of gedeeltelik uit die Engelse Wikipedia vertaal.
Voorganger ← Anund |
Legendariese Sweedse koning | Opvolger Ivar Vidfamne → |