Kogmanskloofpas

Kogmanskloof.

Die Kogmanskloof (gewoonlik Cogmanskloof) is 'n bergpas in die Wes-Kaap, Suid-Afrika as deel van R62 provinsiale pad. Die pas verbind Ashton in die Boland met Montagu in die Klein Karoo en gaan oor die Langeberg. Die pas is deur Thomas Bain gebou en in 1877 voltooi. Dit was een van die eerste deurgange deur die Langeberg na die binneland.

Geskiedenis

Die tonnel deur Kalkoenkrans

Die eerste pas was 'n ruwe waspoor. Dit het die loop van die Kogmansrivier deur die kloof gevolg en die rivier verskeie kere gekruis. Oorstromings het gereeld die pas gesluit. Thomas Bain en sy span het in 1873 begin werk aan die pas. Die nuwe pas is op 28 Februarie 1887 geopen. Die koste van die pas was £12 000. Die pad is gedurende 1931 geteer. 'n Kenmerk van die pas is die tonnel van 15m lank en 5m hoog deur die Kalkoenkrans. Die bouval van 'n fort wat tydens die Tweede Vryheidsoorlog bo-op die Kalkoenkrans gebou is, is nog sigbaar.

Hede

Die nuwe moderne hoofweg is gedurende 1953 voltooi.

Sien ook

• Lys van bergpasse in Suid-Afrika

Bron

• Standard Encyclopaedia of Southern Africa, deel 3. Kaapstad: Nasou, 1971