Koos Bekker
Koos Bekker | |
---|---|
![]() Koos Bekker by die nuwe Media24-sentrum, 2015 | |
Gebore | Jacobus Petrus Bekker 14 Desember 1952 |
Nasionaliteit | Suid-Afrika |
Beroep | Vorige HUB van Naspers |
Opvolger | Bob van Dijk |
Eggenoot | Karen Roos |
Kinders | 2 |
Koos Bekker (Potchefstroom, 14 Desember 1952 - ) is 'n media-entrepeneur en wêreldwye sakeman. Hy is tans die voorsitter van die direksie en die vorige hoof- uitvoerende beampte van Naspers, 'n mediagroep wat hom veral toespits op ontluikende markte en aktief is in internet, drukmedia, televisie en ander vertakkings van die mediabedryf in 129 lande.
Hy was in 1985 een van die stigterslede van M-Net, wat mettertyd na 48 lande uitgebrei het. In die 1990's het hy en vennote MTN begin. Hy dien tot 1997 as hoof- uitvoerende beampte van MIH, waarna hy by Naspers oorneem. Sedertdien is die groep se teenwoordigheid in die internetbedryf uitgebrei en 'n sterk buitelandse teenwoordigheid is gevestig in onder meer Oos-Europa, Latyns-Amerika, China (waar Naspers se Tencent Holdings Limited in 2012 17 000 werknemers gehad het vergeleke met Media24 se 7 000 werknemers in Suid-Afrika), Indië en Rusland, en het die leier in betaal-TV in Afrika geword.
Bekker het op 1 April 2014 uitgetree nadat sy kontrak reeds in Maart 2013 verstryk het, maar met 'n jaar verleng is.[1] Bob van Dijk, vorige hoof van Naspers se e-handel-afdeling, het hom opgevolg. Bekker het daarna vir 'n jaar lank gereis en navorsing gedoen oor toekomstige groeigeleenthede vir Naspers. In April 2015 het hy die voorsitterskap van die direksie by Ton Vosloo oorgeneem.
Verwysings
[wysig | wysig bron]- ↑ Koos Bekker steps down as Naspers CEO, besoek op 22 Februarie 2014
Eksterne skakels
[wysig | wysig bron]- Who's Who of Southern Africa[dooie skakel]