Leydsdorp

Leydsdorp
Dorp
Die verlate hotel op Leydsdorp
Leydsdorp  Leydsdorp se ligging in Limpopo
Koördinate: 23°59′32″S 30°31′15″O
Land	Suid-Afrika
Provinsie	Limpopo
Distrik	Mopani
Munisipaliteit	Ba-Phalaborwa
Stigting	1890
Regering
• Tipe	Deel van 'n Plaaslike Munisipaliteit
Oppervlak
• Totaal	0,79 km2 (0,31 vk. myl)
Bevolking  (2011)
• Totaal	6
• Digtheid	8/km2 (20/vk. myl)
Rasverdeling (2011)
• Swart mense	100%
Taal (2011)
• Tsonga	100%
Poskode (strate)	0895
Poskode (posbusse)	0895
Skakelkode	015

Leydsdorp is 'n verlate dorp in die oostelike Limpopoprovinsie, Suid-Afrika. Die dorp is 28 km suidwes van Gravelotte.

Geskiedenis

Soos by talle ander dorpe in Suid-Afrika, het goud 'n groot rol gespeel in die stigting van die dorp. Die eerste goud is in 1870 deur Edward Button en James Sutherland ontdek. Dit was 'n kortstondige vonds. In 1883 doen Auguste Robert meer lonende ontdekkings. 'n Goudstormloop het hierop gevolg wat 'n tentdorp bekend as French Bob Se Kamp tot gevolg gehad het. In 1890 het die ZAR-regering besluit om 'n administrasie sentrum vir die kamp te stig. Die dorp is genoem na WJ Leyds, die staatsekretaris van die ZAR. Die mynbedrywighede het as die Selati-goudveld bekend geword. Die dorp het gou ook sy eie koerant, die Leydsdorp Leader, uitgegee. Die koerant het die eerste keer op 24 Augustus 1891 verskyn. Die goud het egter uitgewerk geraak en die dorp het begin wegkwyn.

Besienswaardighede

Die 'boomkroeg', 'n reuse kremetartboom, is welbekend op die pad tussen Gravelotte en Leydsdorp. Tot twaalf mense kon op 'n slag in die boomstam bedien word. Die Hans Merensky-natuurreservaat is in die omgewing.

Sien ook

• Lys van dorpe in Suid-Afrika

Fotogalery

Leydsdorp, Limpopo

Verlate gebou in Leydsdorp Verlate gebou in Leydsdorp   Oorblyfsels van Leydsdorp Hotel in 2013 Oorblyfsels van Leydsdorp Hotel in 2013   Oorblyfsels van Leydsdorp Hotel in 2013 Oorblyfsels van Leydsdorp Hotel in 2013   Welkom in Leydsdorp Welkom in Leydsdorp   Die groot kremetartboom tussen Gravelotte en Leydsdorp Die groot kremetartboom tussen Gravelotte en Leydsdorp

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4