Lissabon
Kaart | Wapen |
![]() | |
![]() | |
Vlag | |
![]() | |
Land | ![]() |
Gewes (Região) | Lissabon |
Koördinate | 38°43′N 09°08′W / 38.717°N 9.133°W |
Stigting | ~1200 v.C. |
Oppervlakte: | |
- Totaal | 100,05 vk km |
Hoogte bo seevlak | 0–227 m |
Bevolking: | |
- Totaal (2011) | 545 245 |
- Bevolkingsdigtheid | 6 458/vk km |
- Metropolitaanse gebied | 2 821 876 |
Tydsone | UTC ±0 (WET) |
Somertyd | UTC +1 (WEST) |
Burgemeester | Fernando Medina (PS) |
Amptelike Webwerf | cm-lisboa.pt |
Lissabon (Portugees: Lisboa [liʒˈboɐ]) is die hoofstad van Portugal en die gelyknamige distrik en administratiewe gewes. Die stad is aan die monding van die rivier Taag in die Atlantiese Oseaan in die uiterste suidweste van Europa en aan die weskus van die Iberiese Skiereiland geleë.
![](https://upload.wikimedia.org/wikipedia/commons/thumb/3/3f/Merging_into_the_mist%2C_ponte_Vasco_da_Gama.jpg/220px-Merging_into_the_mist%2C_ponte_Vasco_da_Gama.jpg)
![](https://upload.wikimedia.org/wikipedia/commons/thumb/c/c6/Lisbon_%2837019744435%29.jpg/220px-Lisbon_%2837019744435%29.jpg)
As die grootste stad van Portugal met sy belangrikste seehawe, die setel van die Portugese regering en talle nasionale owerhede, ses universiteite en die Portugese Akademie vir Wetenskap is Lissabon die politieke, ekonomiese en kulturele sentrum van die land.
Lissabon is ook die setel van 'n aantal instellings van die Europese Unie, waaronder die Europese Kontrolekantoor vir Dwelmmiddels en Dwelmverslaafdheid en die Europese Agentskap vir Veiligheid op See. Die stad huisves daarnaas ook die hoofkantoor van die Gemeenskap van Portugeessprekende Lande (CPLP).
Lissabon het in 205 v.C. onder Romeinse heerskappy gekom. Gaius Iulius Caesar het die status van Romeinse municipium en die Latynse naam Felicitas Iulia aan die destydse nedersetting Olisipo toegeken.
Die stad het vanaf die 5de eeu n.C. onder die gesag van verskillende Germaanse stamme gestaan en is in die 8ste eeu deur More verower. Sedert die Christelike herowering in 1147 deur kruisvaarders onder die bevel van Afonso Henriques het Lissabon tot die politieke, ekonomiese en kulturele sentrum van Portugal ontwikkel. In teenstelling met die meeste ander hoofstede het Lissabon sy status as hoofstad en regeringsetel nie aan enige statuut of ander geskrewe ooreenkoms te danke nie, maar fungeer danksy 'n grondwetlike konvensie as die de facto-hoofstad van Portugal.
Museums in Lissabon
[wysig | wysig bron]Die Museum Calouste Gulbenkian het skilderye van Domenico Ghirlandaio, Peter Paul Rubens, Rembrandt van Rijn, Frans Hals, Renoir, Van Dyck, Corot, Degas, Édouard Manet, Claude Monet, en J.M.W. Turner.
Die Museu Nacional de Arte Antiga, die belangrikste kunstmuseum van Portugal het skilderye van Jeroen Bosch en Albrecht Dürer.
Eksterne skakels
[wysig | wysig bron]Wikimedia Commons het meer media in die kategorie Lissabon.
- (en) Toerisme-inligting oor Lissabon op Wikivoyage
- (pt) Amptelike webwerf
- (en) "Lisbon". Encyclopædia Britannica. Besoek op 1 Maart 2019.