Magneet
Subklas van | liggaam, materiaal![]() |
---|---|
Het effek | Magneetveld![]() |
Definiërende formule | ![]() |
Onderhou deur WikiProjek | WikiProjek Wiskunde![]() |
MCN kode | 8511.20.10![]() |
Unicode-karakter | 🧲![]() |
![](https://upload.wikimedia.org/wikipedia/commons/thumb/0/08/MagnetEZ.jpg/220px-MagnetEZ.jpg)
![](https://upload.wikimedia.org/wikipedia/commons/thumb/d/d8/Bar_magnet.jpg/220px-Bar_magnet.jpg)
'n Magneet is 'n materiaal of voorwerp wat 'n magneetveld produseer. Hierdie magneetveld is onsigbaar, maar is verantwoordelik vir die mees opvallende eienskappe van 'n magneet: 'n krag wat op ander ferromagnetiese materiale, soos yster, trek en ander magnete aantrek of afstoot.
Permanente magnete
[wysig | wysig bron]'n Permanente magneet is 'n voorwerp gemaak van 'n materiaal wat gemagnetiseer word en sy eie volgehoue magnetiese veld skep. 'n Alledaagse voorbeeld is 'n yskasmagneet wat gebruik word om notas op 'n yskasdeur te hou. Materiaal wat gemagnetiseer kan word, wat ook 'n sterk aantrekking tot 'n magneet het, is ferromagneties van aard. Dit sluit die elemente yster, nikkel en kobalt in, asook sommige legerings van seldsame aardelemente, en sommige natuurlike minerale soos 'n Magnetiet. Alhoewel ferromagnetiese materiale die enigste materiale met 'n sterk genoeg aantrekking tot 'n magneet is om algemeen as magneties beskou te word, het alle ander stowwe 'n swak aantrekking op 'n magnetiese veld, by wyse van een van die verskeie ander tipes magnetisme.
Elektromagnete
[wysig | wysig bron]'n Ander manier om magnetiese velde op te wek is die elektromagneet wat 'n draadspoel is waardeur elektrisiteit loop.[1] Die stroomdrade is dikwels van koper vervaardig om die weerstand te beperk en die spole vrom 'n induktor. Bewegende ladings skep magnetiese velde. Wanneer 'n elektriese stroom deur die spoele in 'n elektromagneet vloei, gedra die spoele soos 'n magneet. Wanneer die elektrisiteit ophou vloei, dien die spoele nie meer soos 'n magneet nie. Elektromagnete word in baie elektroniese toestelle gebruik wanneer magnetiese kragte slegs vir kort tydperke benodig word.
Verwysings
[wysig | wysig bron]- ↑ "Electromagnets". Northeastern University.
Eksterne skakels
[wysig | wysig bron]Wikimedia Commons het meer media in die kategorie Magneet.
- (af) http://www.mieliestronk.com/mmm_magnetisme.html
- (af) http://www.mstworkbooks.co.za/tegnologie/gr7/gr7-tegnologie-12-afr.html
- (en) Hoe magnete gemaak word Geargiveer 16 Maart 2013 op Wayback Machine (video)
- (en) 'n Kort geskiedenis van elektrisiteit en magnetisme