Messerschmitt Me 410
Messerschmitt Me 410 | |
---|---|
Tipe | Vegvliegtuig |
Vervaardiger | Messerschmitt, Dornier |
Nooiensvlug | 14 Maart 1942 |
Bekendstelling | 1943 |
Onttrek | 1945 |
Status | Uit diens gestel |
Hoofgebruikers | Luftwaffe Hongaarse Lugmag |
Vervaardig | Mei 1943 - Augustus 1944 |
Aantal gebou | 1 189 |
Weergawes | Messerschmitt Me 210 |
Die Messerschmitt Me 410 is 'n Duitse tweemotorige vegvliegtuig wat tydens die Tweede Wêreldoorlog diens gedoen het. Die Me 410 was ontwerp om die Messerschmitt Bf 110 te vervang. Die eerste ontwerp om die Bf 110 te vervang was die Messerschmitt Me 210. Die vliegtuig was egter onstabiel en moeilik om te hanteer; dit het geneig om te tol en te stol. Tog is daar 200 van die vliegtuie gebou maar later verwerp ten gunste van 'n nuwe Messerschmitt Bf 110's. Die Me 210 se ontwerp is verbeter met 'n langer romp en leidende klappe aan die voorkant van die vlerke om stolling teen te werk. Die vliegtuig is ook toegerus met kragtiger motors. Die nuwe ontwerp is die Me 410 Hornisse genoem. Die eerste Me 410's het die front in Januarie 1943 bereik en die Dornier Do 217's en Junkers Ju 88's vervang.
Hulle is eers gebruik as nagvegter/bomwerpers oor Brittanje en later as bomwerpers in die Middellandse Seearea. Vanaf die lente in 1944 het die Me 410's die Bf 110's vervang in die bomwerper (Zerstörer) eenhede wat Duitsland moes verdedig. Hulle het ook aan die oosfront diens gedoen.
Die Messerschmitt Me 410A-1/U4 was toegerus met 'n 50 mm kanon onder die romp. Die kanon het 900 kg geweeg en het 'n terugslag gehad van sewe ton. Dit kon slegs 21 rondtes dra. Die Me 410 was egter nie beter as die Messerschmitt Bf 110 wat dit moes vervang nie. Produksie van die vliegtuig is in September 1944 gestaak.
Tegniese besonderhede
[wysig | wysig bron]Item | Statistiek |
---|---|
Aantal motore | 2 |
Tipe motor | Skroef |
Vervaardiger | Daimler-Benz DB 603A omgekeerde V-12 suiermotors |
Kraglewering per motor | 1 850 perdekrag |
Vlerkspan | 16,35 m |
Lengte | 12,48 m |
Hoogte | 4,28 m |
Vlerkoppervlakte | 36,2 m2 |
Maks. opstygmassa | 9 650 kg |
Maksimumsnelheid | 625 km/h |
Operasionele hoogte | 10 000 m |
Togafstand | 1 690 km |
Klimvermoë | 6 700 m in 10 minute, 42 sekondes |
Bewapening | Vier 20 mm kanonne, twee 7,93 mm masjiengewere, twee 13 mm afstandbeheerde |
Sien ook
[wysig | wysig bron]Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9