Namas
Namas | |
---|---|
![]() | |
Totale bevolking: | 60 000 (2005) |
Belangrike bevolkings in: | Namibië |
Taal: | Nama |
Geloofsoortuiging: | Afrika Tradisionele Godsdiens, Christendom, Islam |
Verwante etniese groepe: | Bantoe, Herero, Boesman, Khoikhoi, Griekwas, Oorlam |
Nama of Namaqua is die naam van 'n bevolkingsgroep in Botswana, Namibië en Suid-Afrika. Die Namas word as deel van die Khoikhoi-groep beskou en was in die verlede Hottentotte(n) genoem. Die benaming Hottentotte verwys na hul spreektaal waarin klieks (suigklanke) gebruik word. Die Namas en die Damaras gebruik beide Nama as taal.
Konflikte
[wysig | wysig bron]![](https://upload.wikimedia.org/wikipedia/commons/thumb/e/e2/Hendrik_Witbooi.jpg/220px-Hendrik_Witbooi.jpg)
![](https://upload.wikimedia.org/wikipedia/commons/thumb/a/a4/Kaptain_hendrik_wittboi_mit_seinem_stabe.jpg/220px-Kaptain_hendrik_wittboi_mit_seinem_stabe.jpg)
Oorspronklik woon die Namas alleen in die gebied van die Oranjerivier, in die suide van Namibië en noorde van Suid-Afrika. Mettertyd trek die Namas noord as gevolg van diamantmynbou bedrywighede. In die noorde kom hulle in konflik met die Hereros. Beide volke was veeboere en vele oorloë is oor hoofsaaklik die eienaarskap van weigronde geveg.
Gedurende 'n opstand van die Nama teen die Duitsers in 1904-1907 het ongeveer die helfte van die Namabevolking omgekom (sien Namibiese volksmoord 1904).
Kontak met blankes
[wysig | wysig bron]Die aantal Namas in Namibië word op ongeveer 60 000 geskat in die jaar 2005. Van die vanne wat algemeen onder die Namas gebruik word, dui op vroeëre kontak met blankes:
- Witbooi
- Swartbooi
- Veldskoendraers
- Oorlams
- Fransman
- Afrikaner
Van die bekende Nama-leiers was:
Godsdiens
[wysig | wysig bron]Baie Namas het onlangs die Islam geloof aangeneem, waardeur hulle nou die grootste islamitiese bevolkingsgroep in Namibië vorm.[1]
Verwysings
[wysig | wysig bron]- ↑ "Islam in Namibia…Making an Impact" (in Engels). IslamOnline.net. Junie 2006. Geargiveer vanaf die oorspronklike op 1 Mei 2010. Besoek op 3 September 2008.