Overberg
![](https://upload.wikimedia.org/wikipedia/commons/thumb/a/ae/Overberg_topographic_map.svg/220px-Overberg_topographic_map.svg.png)
Die Overberg is 'n streek in Suid-Afrika, oos van Kaapstad anderkant die Hottentots-Hollandberge. Dit is geleë langs die Wes-Kaapprovinsie se suidkus tussen die Kaapse skiereiland en die gebied wat as die Tuinroete bekendstaan in die ooste. Die grense van die Overberg is die Hottentots-Hollandberge in die weste; die Riviersonderendberge, deel van die Kaapse Plooiberge, in die noorde; die Atlantiese en Indiese Oseane in die suide en die Breederivier in die ooste. Die N2 nasionale pad gaan deur die Overberg.
Die naam beteken "oor die berg" en is 'n verwysing na die streek se ligging ten opsigte van Kaapstad.
Die streek is nog altyd as die broodmandjie van die Kaap gesien en word meestal vir graanlandbou — hoofsaaklik koring — gebruik. Die koringlande is 'n belangrike broeiplek vir Suid-Afrika se nasionale voël, die Bloukraanvoël. 'n Ander belangrike voedselsoort wat in die Overberg verbou word, is sagtevrugte. Die Elginvallei is die tweede grootste verskaffer van vrugte in Suid-Afrika.
Die Kogelberg-biosfeerreservaat naby Hermanus het 'n groot verskeidenheid blomplante wat nêrens anders in die fynbosbioom aangetref word nie.
Die hoofdorpe is Hermanus, Caledon en Swellendam, en die streek sluit ook Kaap Agulhas, die mees suidelike punt van Afrika, in. Die landskap word oorheers deur golwende heuwels wat deur die see en berge ingesluit word.
Fotogalery
[wysig | wysig bron]Kyk ook
[wysig | wysig bron]- Overberg Distrikmunisipaliteit, Wes-Kaap
- Overberg vuurpyllanseerterrein
- Lys van streeksname in Suid-Afrika
- Adelfotis
Bronnelys
[wysig | wysig bron]- Galloway, T.S.: 'n Streeksgeskiedenis oor die kusdorpe in die Strandveld van die Overberg, circa 1940 - 1994. Universiteit van Stellenbosch: ongepubliseerde M.A.-verhandeling, 2017
Eksterne skakels
[wysig | wysig bron]Kaarte
[wysig | wysig bron]- Google Earth view of the Overberg Region
- Maps of Overberg Region, Towns and Trails Geargiveer 23 Oktober 2006 op Wayback Machine
- Map of Overberg region Geargiveer 14 Junie 2006 op Wayback Machine
Portale
[wysig | wysig bron]- Electronic Gateway to the Overberg
- Overberg Business Directory
- Comprehensive Overberg information Geargiveer 27 Mei 2007 op Wayback Machine
![]() |
Provinsie Wes-Kaap |
---|---|
Hoofstad: | |
Streke: |
Kaapse Skiereiland | Kaapse Wynlande | Sentraal Karoo | Overberg | Tuinroete | Weskus |
Grootste stede en dorpe: |
Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester |
Munisipaliteite: |
Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Tuinroete | Weskus | Witzenberg |