Peter Sauber
Peter Sauber (gebore 13 Oktober 1943) is 'n afgetrede Switserse motorsportbaas. Hy was die spanhoof en die eienaar van verskeie motorsportspanne, die mees sigbare die gelyknamige Sauber Formule Een-span.
Motorsportloopbaan
[wysig | wysig bron]Nadat hy as 'n elektrisiën opgelei is, word Sauber 'n motorverkoopsman in Hinwil, Switserland.[1] Hierdie was Sauber se eerste ware blootstelling aan motors en dit was ook die katalisator vir sy betrokkenheid by motorwedrenne.
Sauber se motorsportverband was ietwat paradoksaal, gegewe dat motorwedrenne in sy geboorteland verban is na die Le Mans tragedie van 1955.[2] Maar hy het steeds daarin geslaag om deel te neem aan heuwelklimrenne in die Volkswagen Beetle wat hy gekoop het. So is die grondslag vir sy eerste projek as 'n spaneienaar gelê.
Span Sauber
[wysig | wysig bron]Nadat hy verkies het om nie die gesin se verkeersligbesigheid te bestuur nie, het Peter die Sauber C1 (die C staan vir Christiane, die naam van Sauber se vrou) in sy ouers se kelder gebou. Dit was 'n motor met 'n buisraamwerk, aangedryf deur 'n 1-liter-Ford-Cosworth-enjin. Hy het daarmee aan die 1970 Switserse heuwelklimkampioenskap deelgeneem. Die motor het nog vir 10 jaar aan wedrenne deelgeneem in die hande van ander bestuurders, veral Friedrich Hürzeler, wat in 1974 die kroon in die motor gewen het.
In 1971 het Sauber die stuurwiel aan Hans Kunis gegee, wat met die nuwe Sauber C2-model in die dieselfde reeks voortgejaag het, soos Peter die jaar tevore.
Sauber het begin om werksopdragte van kliënte te ontvang en in 1973, het Sauber drie C3-onderstelle vir verskillende kliënte gebou. Die motor wat deur Guy Boisson ontwerp is, het hoofsaaklik aan die Switserse sportmotorkampioenskap deelgeneem.
Die C4 van 1975 was die span se eerste aluminiumonderstel, gesamentlik ontwerp deur Boisson en Edy Wiss. Slegs een C4 is ooit gebou.
Die suksesvolste van die vroeë Saubermotors, die C5 met sy 2-liter-BMW-enjin – neem die 1976 Interseriekampioenskap in die hande van Herbert Muller.
![](https://upload.wikimedia.org/wikipedia/commons/thumb/b/bb/Sauber-Mercedes_C9%2C_Bj._1988_%282009-08-07_Sp%29.jpg/220px-Sauber-Mercedes_C9%2C_Bj._1988_%282009-08-07_Sp%29.jpg)
1979 was die einde van die Sauber se eerste betrokkenheid by die bou van sportmotors – en die begin van die voorbereiding van onderstelle vir Lola F2-renmotors. Die bestuurders behaal 1-2-4 plekke in die kampioenskap daardie jaar – een van hulle was Max Welti, wat daarna by die span aangesluit het as spanbestuurder.
In 1982, met BASF-borgskap, het Sauber teruggekeer na sportmotorrenne. Die C6 was Sauber se eerste motor om in 'n windtonnel getoets te word. Dit was gedurende hierdie toetse wat Sauber 'n sterk verhouding met Leo Ress gebou het, wat later instrumenteel geword het in die F1-projek.
In 1985 het die span se verhouding met Mercedes-Benz begin. Hierdie sportmotorvennootskap het in November 1991 die loopbane van Michael Schumacher en Sauber se eie protégé, Karl Wendlinger 'n groot hupstoot gegee.
Formule Een
[wysig | wysig bron]Peter Sauber het ernstig begin kyk na die oprigting van 'n F1-span. In die somer van 1991 het Harvey Postlethwaite by die span aangesluit as ontwerper van 'n F1-motor en Mercedes het 'n groot nuwe fabriek by Hinwil befonds.
Eerste Sauberspan (1991-2005)
[wysig | wysig bron]![](https://upload.wikimedia.org/wikipedia/commons/thumb/7/7e/Sauber_usgp_2004.jpg/220px-Sauber_usgp_2004.jpg)
Terugkeer na Peter Sauber (2009-2016)
[wysig | wysig bron]![](https://upload.wikimedia.org/wikipedia/commons/thumb/8/86/Sergio_Perez_overtaking_Kamui_Kobayashi_2011_Japan.jpg/220px-Sergio_Perez_overtaking_Kamui_Kobayashi_2011_Japan.jpg)
Dit verkoop sou net voortgaan indien die span is 'n plek op die 2010 rooster deur die FIA gegun was.[3] Op 3 Desember 2009 het FIA bevestig dat Sauber se inskrywing vir die 2010-seisoen toegestaan is, en Sauber het weer eienaarskap van die span geneem.[4] In Mei 2012 het Sauber 'n een-derde belang in die Sauber Groep na Monisha Kaltenborn oorgeplaas, om die span se uitvoerende hoof en sy aangewese opvolger te word.[5] In Oktober is daar aangekondig dat Sauber terugstaan van die dag-tot-dagbestuur van sy span, en bevorder Kaltenborn tot die posisie van spanhoof. Hy bly President van die Sauber Groep se raad van direkteure.
In die 2016 Formule Een-seisoen was Sauber terug op die rooster, maar met finansiële probleme. In Julie 2016 het Longbow Finance, 'n Switserse beleggingsmaatskappy, Sauber Motorsport gekoop, en hiermee volledige eienaarskap verkry. Met die verkoop, het Peter Sauber sy uittrede uit motorsport aangekondig, met Pascal Picci wat sy posisie by die maatskappy ingeneem het.
Verwysings
[wysig | wysig bron]- ↑ Swiss News - Archived copy. URL besoek op 2014-03-19.
- ↑ GrandPrix.com (Swiss look into motorsports ban of 1958) http://www.grandprix.com/ns/ns19754.html
- ↑ BMW Agree Sale Back To Sauber Geargiveer 30 November 2009 op Wayback Machine en.f1-live.com, 27 November 2009
- ↑ Sauber granted entry to F1 AUSmotive.com, 4 Desember 2009
- ↑ Elizalde, Pablo (16 Mei 2012). "Peter Sauber transfers third of Group Sauber stake to CEO Monisha Kaltenborn". autosport.com (in Engels). Haymarket Publications. Geargiveer vanaf die oorspronklike op 7 Augustus 2016. Besoek op 16 Mei 2012.