Stade de la Beaujoire

	Stade de la Beaujoire
	Die Stade de la Beaujoire tydens die FIFA Sokker-Wêreldbekertoernooi in 1998
Bynaam	La Beaujoire
Volle naam	Stade de la Beaujoire - Louis Fonteneau
Ligging	Route de Saint Joseph 44300, Nantes, Frankryk
Koördinate	47°15′20″N 1°31′31″W / 47.25556°N 1.52528°W
Eienaar	Nantes Métropole
Kapasiteit	37 473
Oppervlak	Gras
Konstruksie
Geopen	8 Mei 1984
Huurders
	FC Nantes

Die Stade de la Beaujoire - Louis Fonteneau (Frans: [stad də la boˈʒwaʁ]), meer bekend as La Beaujoire, is 'n stadion in Nantes, Frankryk. Dit is die tuiste van die sokkerklub FC Nantes. In September 2007 het dit drie groepwedstryde van die Rugbywêreldbeker 2007 aangebied. Dit is ook tydens die Rugbywêreldbeker 2023 vir vier groepwedstryde gebruik.

Die stadion is op 8 Mei 1984 ingehuldig met 'n vriendskaplike wedstryd tussen FC Nantes en Roemenië. Dit is genoem na Louis Fonteneau wat president van FC Nantes was tussen 1969 en 1986. Die stadion is in 1998 vir die Sokker-Wêreldbeker opgeknap. Terwyl die oorspronklike kapasiteit 52 923 was, is alle staanplekke in 1998 in sitplekke omskep wat die kapasiteit na 38 285 verminder het. Voorheen het die klub by die Stade Marcel Saupin gespeel.

Die stadium word ook vir internasionale rugbywedstryde gebruik en is die stadion waar Frankryk die All Blacks op 15 November 1986 met 16–3 geklop het.

La Beaujoire is ook vir verskeie wedstryde van die Europese Sokkerkampioenskap 1984 gebruik, insluitend 'n 5–0 oorwinning deur Frankryk oor België. Ses wedstryde is ook by die stadion gespeel tydens die FIFA Sokker-Wêreldbekertoernooi in 1998, insluitend die kwarteindstryd tussen Brasilië en Denemarke.

Die Franse nasionale sokkerspan het op sewe geleenthede daar gespeel, mees onlangs 'n vriendskaplike wedstryd teen Kameroen (3–2) in Mei 2016.

Wedstryde

Europese Sokkerkampioenskap 1984

Die hoofartikel vir hierdie afdeling is: Europese Sokkerkampioenskap 1984.

Datum	Tyd	Span 1	Telling	Span 2	Rondte	Toeskouers
16 Junie 1984	17:15	Frankryk	5–0	België	Groep A	51 359
20 Junie 1984	20:30	Portugal	1–0	Roemenië	Groep B	24 464

FIFA Sokker-Wêreldbekertoernooi in 1998

Die hoofartikel vir hierdie afdeling is: FIFA Sokker-Wêreldbekertoernooi in 1998.

Datum	Tyd	Span 1	Telling	Span 2	Rondte	Toeskouers
13 Junie 1998	14:30	Spanje	2–3	Nigerië	Groep D	35 500
16 Junie 1998	21:00	Brasilië	3–0	Marokko	Groep A	35 500
20 Junie 1998	14:30	Japan	0–1	Kroasië	Groep H	35 500
23 Junie 1998	16:00	Chili	1–1	Kameroen	Groep B	35 500
25 Junie 1998	21:00	Verenigde State	0–1	Joego-Slawië	Groep F	35 500
3 Julie 1998	21:00	Brasilië	3–2	Denemarke	Kwarteindrondte	35 500

Rugbywêreldbeker 2007

Die hoofartikel vir hierdie afdeling is: Rugbywêreldbeker 2007.

Datum	Tyd	Span 1	Telling	Span 2	Rondte	Toeskouers
9 September 2007	14:00	Wallis	42–17	Kanada	Groep B	37 500
22 September 2007	16:00	Engeland	44–22	Samoa	Groep A	37 022
29 September 2007	17:00	Wallis	34–38	Fidji	Groep B	37 080

Rugbywêreldbeker 2023

Die hoofartikel vir hierdie afdeling is: Rugbywêreldbeker 2023.

Datum	Tyd	Span 1	Telling	Span 2	Rondte	Toeskouers
16 September 2023	21:00	Ierland	59–16	Tonga	Groep B	31 673
30 September 2023	15:00	Argentinië	59–5	Chili	Groep D	33 963
7 Oktober 2023	15:00	Wallis	43–19	Georgië	Groep C	33 580
8 Oktober 2023	13:00	Japan	27–29	Argentinië	Groep D	31 794

Eksterne skakels

(en) WorldStadiums.com inskrywing Geargiveer 2 Julie 2008 op Wayback Machine